Pune Crime News : ऐन सणासुदीच्या तोंडावर मंचर शहरात मध्यरात्रीच सात जणांच्या टोळीने एका ज्वेलर्सवर सिनेस्टाइलने दरोडा टाकला. दरम्यान नागरिक आणि मंचर पोलीसांच्या सतर्कतेमुळे दराेडेखाेरांना पकडण्यात आले. पाेलीसांनी पाच जणांना मुद्देमालासह अटक केली आहे. (Maharashtra News)

मंचर शहरातील उत्तमभाग्य ज्वेलर्स (uttam bhagya jewellers) या सोन्याच्या दुकानात मध्यरात्री 7 तरुणांकडुन दरोडा टाकण्याचा प्रयत्न करण्यात आला. यामध्ये सोने चांदीच्या दागिन्यांसह रोख रक्कम घेऊन तरुण (youth) पळुन जाण्याच्या तयारीत हाेते.

दरम्यान मंचर शहरातील जागरुक नागरिकांच्या सतर्कतेमुळे 7 जणांची टोळी दुकानवजा घरात असतानाच मंचर पोलीसांनी पाच जणांना सिनेस्टाइलने घटनास्थळीच अटक केली. या घटनेत दोन जण पळुन जाण्यात यशस्वी झाले.

पाेलीसांनी अटकेतील पाच दरोडेखोरांकडून 18 किलो 710 ग्राम चांदी, दाेन लाख 22 हजार रोकड व पाच तोळे सोने असा मुद्देमाल ताब्यात घेतला. या दराेडेखाेरांकडून कोयते, गॅस कटर व इतर हत्यारे हस्तगत केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मंचर पोलीसांनी दिलेल्या माहितीनूसार वैभव बाळू रोकडे (वय 24 रा. नागाचा खडक मुरबाड), गणेश रामचंद्र टोके(वय 26 रा. नडे ता. मुरबाड), अजय सखाराम भिसे ( वय20 रा. कलगाव ता. शहापूर) ग्यानसिंग भोला वर्मा (वय 23 रा. घोडबंदर रोड ठाणे) व मोहम्मद अरमान दर्जी (वय 23 रा. नेहरूनगर कुर्ला) यांना अटक करण्यात आली आहे.

दरम्यान खेड विभागाचे उपविभागीय पोलीस अधिकारी सुदर्शन पाटील यांनी घटनास्थळाला भेट देऊन पाहणी केली.

Edited By : Siddharth Latkar