Summary -

• बंगळुरूमध्ये गर्लफ्रेंडने बॉयफ्रेंडची निर्घृण हत्या

• प्रपोज करण्याचे कारण सांगून घरी बोलावले

• खुर्चीवर बसवून हात-पाय बांधले

• रॉकेट टाकून बॉयफ्रेंडला जिवंत जाळले

कर्नाटकातल्या बंगळुरूमध्ये गर्लफ्रेंडने बॉयफ्रेंडची निर्घृण हत्या केली. लग्नासाठी प्रपोज करते म्हणत तिने बॉयफ्रेंडला घरी बोलावले त्यानंतर त्याला जिवंत जाळले. या घटनेत तरुणाचा मृत्यू झाला. याप्रकरणी आरोपी गर्लफ्रेंडला पोलिसांनी अटक केली. पोलिस सध्या या प्रकरणाचा तपास करत आहेत. या घटनेमुळे कर्नाटकात खळबळ उडाली आहे.

किरण (२७ वर्षे) असं हत्या झालेल्या तरुणाचे नाव होते. तर प्रेरणा असं आरोपी तरुणीचे नाव आहे. किरण आणि प्रेरणा दोघे एकाच टेलीकॉम स्टोअरमध्ये एकत्र काम करत होते. दोघांचे गेल्या वर्षभरापासून प्रेमसंबंध होते. पण प्रेरणा गेल्या काही दिवसांपासून किरणवर नाराज होती. किरण तिच्याकडे दुर्लक्ष करत असून तो तिच्यासोबत लग्न करणार नाही असे तिला वाटत होते त्यामुळे तिने त्याची हत्या केली.

पोलिसांनी सांगितले की, मंगळवारी प्रेरणाने किरणला दक्षिण बंगळुरूमधील आपल्या घरी बोलावले. त्यावेळी घरामध्ये प्रेरणा एकटीच होती. तिची आई आणि भाऊ बाहेर गेले होते. किरण घरी आल्यानंतर तिने काहीवेळ त्याच्यासोबत गप्पा मारल्या. त्यानंतर तिने किरणच्या डोळ्यावर पट्टी बांधली. त्याला एका खुर्चीवर नेऊन बसवले. नंतर हात-पाय बांधण्यास सुरूवात केली. त्यावेळी किरणने तिला विरोध केला. तर प्रेरणाने त्याला सांगितले की, मला तुला एका खास पद्धतीने प्रपोज करायचा आहे जो परदेशात खूपच प्रसिद्ध आहे.

त्यानंतर प्रेरणाने किरणच्या अंगावर रॉकेल ओतले आणि पेटवून दिलं. आग लागल्यानंतर किरण जोरजोरात ओरडत होता. मदतीसाठी विनवणी करत होता. किरण आग लागल्यानंतर तडफडत होता तेव्हा प्रेरणा त्याचा व्हिडीओ बनवत होती. ही घटना समोर आल्यानंतर पोलिसांनी आरोपी प्रेरणाविरोधात गुन्हा दाखल करत तिला अटक केली. पोलिस सध्या तिची चौकशी करत आहेत.