Crime News: सोशल मीडियावर कर्नाटकचे एक डीजीपी रँकचे वरिष्ठ IPS अधिकारी डॉ. रामचंद्र राव आणि एका महिलेचा ऑफिसमधील आक्षेपार्ह व्हिडीओ मोठ्या प्रमाणात व्हायरल झाला आहे. यामुळे प्रशासनासह आणि जनमानसात खळबळ उडाली आहे. व्हायरल व्हिडिओमध्ये अधिकारी सरकारी वर्दीत असून आपल्या कार्यालयात एक महिला सोबत आक्षेपार्ह स्थितीत दिसत आहेत.

पण, डॉ. रामचंद्र राव यांनी स्वतः स्पष्ट केलंय की हा व्हिडीओ पूर्णपणे 'मॉर्फ' आहे. AI किंवा व्हिडीओ एडिटिंगद्वारे बनवण्यात आलेला आहे आणि हे त्यांच्या प्रतिमेविरुद्ध एक कट आहे. त्यांनी व्हायरल क्लिप खोटा असल्याचा दावा केला असून सत्यतपासाणीची मागणी केली आहे.

घटनेवर प्रशासन आणि मुख्यमंत्री सिद्धारमैयांनीही लक्ष केंद्रीत केलं आहे आणि व्हिडिओची चौकशी करण्याचे आदेश दिले आहेत. व्हायरल व्हिडिओमुळे पोलीस खात्यावरील विश्वास आणि वरिष्ठ अधिकाऱ्यांच्या नैतिकतेबद्दल प्रश्न उपस्थित झाले आहेत. त्यामुळे प्रशासनाच्या बाजूने सत्य परिस्थिती शोधण्यासाठी तातडीने तपास सुरू आहे.

सोशल मीडियावर व्हायरल होणाऱ्या व्हिडिओमध्ये अधिकारी महिलेल्या कंबरेत हात घालून तिला स्वत: जवळ करत आहे. अधिकारी पोलिस गणवेशात असल्यामुळे या व्हीडिओबद्दल मोठ्या प्रमाणात नाराजी व्यक्त करण्यात येत आहे. या घटनेमुळे राजकीय वर्तुळात खळबळ उडाली असून मुख्यमंत्री सिद्धरामय्या या प्रकरणावर खूप संतापले आहेत.