Kalyan Crime News

पती- पत्नीच्या पवित्र नात्याला काळीमा फासणारी धक्कादायक घटना कल्याण येथे घडली आहे. आपल्या पतीच्या अनैतिक संबंधाला कटांळून २५ वर्षीय महिलेने गळफास घेऊन आत्महत्या केली आहे. या घटनेने परिसरात खळबळ उडाली आहे. महिलेच्या मृत्यूनंतर तिच्या वडिलांनी जावयाविरोधात पोलिसांत तक्रार दाखल केल्यानंतर पोलिसांनी त्याला अटक केली आहे. .('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पोलिसांनी दिलेल्या माहितीनुसार, मयत महिला कल्याणमध्ये वास्तव्याला होती. तिचा पती एका शिपींग कंपनीत कामाला आहे. त्यामुळे त्याला सतत युक्रेनला जावं लागतं. या दरम्यान त्याचे एका महिलेशी अनैतिक संबंध जुळून आले. यातुनच या पती पत्नीच्या संबंधांमध्ये दुरावा निर्माण झाला होता. मयत महिलेने साधारण सप्टेंबरमध्ये आपल्या पतीचे दुसऱ्या महिलेसोबतचे फोटो पाहिले होते

त्यानंतर तिने पतीच्या विवाहबाह्य संबंधांला आणि युक्रेनलाही जाण्यास विरोध केला होता. मात्र ८ नोव्हेंबर रोजी त्याने पत्नीला फसवले. मुंबई येथील कार्यालयात जात असल्याचे सांगून तो युक्रेनला परस्पर निघून गेला. युक्रेनला पोहचल्यानंतर त्याने पत्नीला मेसेज पाठवून, तो युक्रेनमध्ये आला आहे आणि परत भारतात येण्याचा कोणताही विचार नसल्यांच कळवलं होतं. त्यामुळे निराश झालेल्या पत्नीने आपलं आयुष्य संपवण्याचा टोकाचा निर्णय घेतला.( टाईम्स ऑफ इंडीयाच्या वृत्तानूसार)

आत्महत्येपूर्वी महिलेने आपल्या जवळील मित्रांना मेसेजही केला होता. तसंच पती परत भारतात येत नसल्याची माहिती तिने आपल्या आईला दिली होती. दरम्यान पत्नीच्या आत्महत्येची बातमी समजताच पती युक्रेनहून कल्याणला आला होता. दरम्यान पत्नीला आत्महत्येस प्रवृत्त केल्याप्रकरणी पतील अटक करण्यात आली आहे.