भूषण अहिरे, धुळे

Dhule Crime News

शिरपूर तालुक्यातून धक्कादायक माहिती समोर आली आहे. येथील लाकड्या हनुमान परिसरातील एका मळ्यात चक्क गांज्याची शेती पिकवली जात होती. स्थानिक गुन्हे अन्वेषण विभागाचे पथक याठिकाणी पोहोचले तेव्हा तेही चक्रावून गेले. दरम्यान पोलिसांनी तात्काळ कारवाई करत संपूर्ण गांजाचा मळा नष्ट केला असून तब्बल ३ कोटी १० हजार रुपये किमतीचा गांज्याचा साठा जप्त केला आहे.

लाकड्या हनुमान परिसरात अवैधरित्या मोठ्या प्रमाणात गांज्याची शेती केली जात असल्याची माहिती स्थानिक गुन्हे अन्वेषण विभागाच्या वरिष्ठ अधिकाऱ्यांना मिळाली होती. खात्रीशीर माहितीदाराने ही माहिती दिली होती. त्यानुसार गुन्हे अन्वेषण विभागाच्या पथकाने तात्काळ घटनास्थळी पोहोचून या संदर्भातील खातरजमा करून घेतली असता त्याठिकाणी मोठ्या प्रमाणात गांज्याची शेती पोलिसांना आढळून आली. पोलिसांनी ही शेती नष्ट केली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान, मानवी मेंदूवर परिणाम करणाऱ्या कोणत्याही प्रकारच्या अमली पदार्थासंदर्भात माहिती नागरिकांना असेल, तर त्यांनी तात्काळ पोलिसांशी संपर्क साधावा, असे आवाहन पोलीस अधीक्षक संजय बारकुंड यांनी नागरिकांना केले आहे.