फियाज शेख, साम प्रतिनिधी

बदलापुरातील अत्याचाराची घटना ताजी असतानाच भिवंडीत खासगी संस्थेच्या आश्रमात असताना एका चिमुरडीवर आश्रमात चटके देण्याचा प्रकार समोर आलाय. याप्रकरणी पिडीतेच्या आजीने दिलेल्या तक्रारीवरून भोईवाडा पोलीस ठाण्यात गुन्हा नोंदवण्यात आलाय. याप्रकरणी आश्रम संचालक दत्ता गायसमुद्रे यास अटक करण्यात आलीय.

पोलिसांनी दिलेल्या माहितीनुसार शहरातील अमीना बाग परिसरात राहणाऱ्या यास्मीन रफिक शेख यांनी आपली तीन वर्षाच्या नातीला धामणकर नाका परिसरातील महाविर कॉम्पलेक्स इमारती मध्ये दत्ता गायसमुद्रे यांच्या सेवाभावी संस्थे तर्फे सुरू असलेल्या शोभा आश्रम या ठिकाणी ठेवले होते.

पोलिसांनी दिलेल्या माहितीनुसार शहरातील अमीना बाग परिसरात राहणाऱ्या यास्मीन रफिक शेख यांनी आपली तीन वर्षाच्या नातीला धामणकर नाका परिसरातील महावीर कॉम्पलेक्स इमारतीमध्ये दत्ता गायसमुद्रे यांच्या सेवाभावी संस्थेतर्फे सुरू असलेल्या शोभा आश्रम या ठिकाणी ठेवले होते. या ठिकाणी 23 मे ते 15 जुलै 2024 दरम्यान नातीच्या अंगावर फोड येऊन फुटल्याने जखमा झाल्याचे लक्षात आल्याने त्याची तक्रार केल्यावर चिमुरडीस ठाणे जिल्हा रुग्णालयात उपचारासाठी दाखल केले.

डॉक्टरांच्या निष्कर्ष नुसार या जखमा भाजल्याने झाल्या असल्याचा अहवाल दिल्याने भोईवाडा पोलिसांनी आश्रम संचालक यांनी तिच्या पोटावर, पाठीवर,डाव्या कानाचे मागे व डाव्या डोळ्याचे बाजुला कशाच्या तरी सहाय्याने चटके देवून जखमा केल्या असल्याची तक्रार आजीने दिली. त्यावरून आश्रम संचालक दत्ता गायसमुद्रे यांच्याविरोधात भारतीय न्याय संहिता कलम 118(1) सह बालन्याय (मुलांची काळजी) हक्कांचे संरक्षण अधिनियम 2015 चे कलम 75 प्रमाणे गुन्हा दाखल करत अटक केलीय.

आरोपीस भिवंडी न्यायालयात हजर केले असता दोन दिवसांची पोलीस कोठडी देण्यात आली आहे. या आश्रमचे अनधिकृत होते की अधिकृत यांसह इतर चौकशी सुरू असल्याची माहिती भोईवाडा पोलीस ठाण्याचे वरिष्ठ पोलीस निरीक्षक अजय आफळे यांनी दिलीय.