योगेश काशिद, साम टीव्ही, प्रतिनिधी

बीड शहरातील मध्यवर्ती भागात स्पा सेंटरच्या नावाखाली वेश्याव्यवसाय सुरु होता. याबाबतची माहिती मिळाल्यानंतर बीड शहर पोलिसांनी स्पा सेंटरवर मोठी कारवाई केली आहे. ब्लीस स्पा नावाच्या सेंटरच्या तळघरात हा बेकायदेशीर प्रकार सुरु होता. कारवाई अंतर्गत पोलिसांना स्पा चालकाला बेड्या ठोकल्या आहेत.

मिळालेल्या माहितीनुसार, बीड शहरातील सारडा कॅपिटल परिसरात ब्लीस स्पामध्ये वेश्याव्यवसाय सुरु होता. स्पाच्या तळघरामध्ये मागील काही दिवसांपासून हा प्रकार असल्याची माहिती पोलिसांना मिळाली. यानंतर पोलिसांनी डमी ग्राहक पाठवून काल (७ मे) रात्री ८ च्या सुमारास कारवाई केली. कारवाईत चालकाला पोलिसांनी ताब्यात घेतले.

कारवाईदरम्यान बीड पोलिसांनी नाशिक येथील एका पीडित महिलेची सुटका केली. पीडित महिलेला जबदस्तीने या व्यवसायामध्ये ढकलले गेल्याची माहिती प्राथमिक माहिती समोर आली आहे. शहरातील गजबजलेल्या आणि मध्यवर्ती ठिकाणी वेश्या व्यवसाय सुरु असल्याची माहिती समोर आल्याने परिसरात खळबळ उडाली आहे.

बीड शहर पोलिसांनी मोठी कारवाई केली आहे. शहरातील मध्यवर्ती ठिकाणी असलेल्या सारडा कॅपिटल येथे स्पा सेंटरच्या नावाखाली वेश्या व्यवसाय सुरु होता. डमी ग्राहक पाठवून पोलिसांनी या सेंटरवर छापा मारला. यात पोलिसांनी एका पीडित महिलेची सुटका केली, तर चालकाला ताब्यात घेतले.