भरत मोहळकर, साम टीव्ही प्रतिनिधी

Beed Local Crime News in Marathi : केज तालुक्यातील मस्साजोग येथील सरपंच पती संतोष देशमुख हत्या प्रकरणाने पुन्हा एकदा बीडमधील कायदा-सुव्यवस्थेचा प्रश्न निर्माण झालाय. बीडमध्ये वर्षभरात तब्बल 10 हजार 100 पेक्षा जास्त गुन्हे दाखल झाल्याने बीड आहे की बिहार असा प्रश्न विचारला जातोय. बीडमध्ये फोफावतंय अंडरवर्ल्ड? बीड बनलंय क्राईम कॅपिटल? बीडमध्ये गुन्हेगारांचा उच्छाद का वाढलाय? असे प्रश्न बीडमध्ये विचारले जात आहेत.

या हवेत फायरिंगच्या घटना उत्तर प्रदेश किंवा बिहारमधील नाहीयेत.. तर या घटना आहेत पुरोगामी महाराष्ट्राच्या बीड जिल्ह्यातील.... बीड जिल्ह्यातील मस्साजोगचे सरपंच संतोष देशमुख यांच्या हत्येनंतर बीडच्या पोलीस प्रशासनाची लक्तरं वेशीवर टांगले गेले आहेत.. तर बीड जिल्ह्यात दहशत माजवण्यासाठी, गाडी घेतली म्हणून आनंद साजरा करण्यासाठी हवेत फायरिंग केली जातेय.. तर कुठं कमरेला बंदूक लावून व्हिडीओ बनवण्याचा बीड पॅटर्न समोर आलाय.. एवढंच नाही तर बीडमध्ये वर्षभरात तब्बल 10 हजार 100 पेक्षा जास्त गुन्हे दाखल झाल्याने बीड आहे की बिहार असा प्रश्न विचारला जातोय.. नेमकं गुन्हेगारीची राजधानी बनत असलेल्या बीडची स्थिती कशी आहे? पाहूयात...

बीड बनलंय क्राईम कॅपिटल

2023

हत्या- 62

हत्येचा प्रयत्न-154

बीडमधील गुन्हे- 8960

2024 वर्ष

हत्या - 40

हत्येचा प्रयत्न- 178

जमावाद्वारे मारहाण- 498

महिला अत्याचार- 156

विनयभंगाच्या घटना- 386

बीडमधील एकूण गुन्हे- 10 हजार 100

बोगस मतदान, मारामाऱ्या, सरकारी अधिकाऱ्यांवर हल्ले, जातीय हल्ले बीड जिल्ह्यात मोठ्या प्रमाणावर घडल्याचं आकडेवारीवरून दिसतंय. एवढंच नाही तर राज्यातील नागपूर, कोल्हापूर आणि साताऱ्यानंतर सर्वाधिक 1222 शस्त्र परवाने हे बीड जिल्ह्यात आहेत. वर्षभरात बीडमध्ये 100 पेक्षा जास्त फायरिंगच्या घटना घडल्या आहेत.. त्यामुळे सरकारने या प्रकरणाची गंभीर दखल घेत ज्यांचे शस्त्रासोबत फोटो असतील ते तपासून त्यांचे परवाने रद्द करण्याचे आदेश मुख्यमंत्री देवेंद्र फडणवीसांनी दिलेत. मात्र सरकारने एवढ्यावरच न थांबता बीडमधील गुन्हेगारी समूळ नष्ट करून बीडला गुन्हेगारीची राजधानी बनण्यापासून वाचवण्याची आवश्यकता आहे.