एलॉन मस्क यांचं सोशल मीडिया प्लॅटफॉर्म 'एक्स' डाऊन झालं आहे. 'एक्स' अचानक डाऊन झाल्याने युजर्स एकच संताप व्यक्त करत आहे. आज सोमवारी अनेकदा 'एक्स' प्लॅटफॉर्म डाऊन झालं. अमेरिका, युनायटेड किंगडम, भारत आणि जगातील अनेक भागात 'एक्स' प्लॅटफॉर्म डाऊन झालं आहे. एकाच दिवसांत तीन वेळा एक्स प्लॅटफॉर्म डाऊन झाल्याचं समोर आलं आहे.

'एक्स' प्लॅटफॉर्म डाऊन होण्याचं कारण अद्याप स्पष्ट झालेलं नाही. 'एक्स' प्लॅटफॉर्मकडून कोणत्याही प्रकारचं अधिकृत भाष्य करण्यात आलेलं नाही. दुपारच्या सुमारास 'एक्स' प्लॅटफॉर्म डाऊन झालं होतं. त्यानंतर आता रात्री पुन्हा 'एक्स' प्लॅटफॉर्म डाऊन झालं आहे. अनेकांना 'एक्स' स्क्रोल करताना तांत्रिक अडचणीचा सामना करावा लागत आहे.

'एक्स' प्लॅटफॉर्म वारंवार डाऊन होऊ लागल्याने युजर्स संताप व्यक्त करत आहे. पहिल्यांदा 'एक्स' प्लॅटफॉर्म डाऊन झालेला नाही. याआधी देखील अनेकदा 'एक्स' प्लॅटफॉर्म डाऊन झालेले आहे. मीडिया रिपोर्टनुसार, आज सायंकाळी ७ वाजता 'एक्स' प्लॅटफॉर्मवर युजर्सना तांत्रिक अडचणी येऊ लागल्या. एकूण ५६ टक्के युजर्स अॅपवर समस्यांचा सामना करत आहेत. ३३ टक्के युजर्स वेबसाईटवर ११ टक्के लोकांना सर्वर कनेक्शनच्या अडचणीचा सामना करावा लागत आहे.

२०२५ सालात पहिल्यांचा इतक्या मोठ्या प्रमाणात सेवा विस्कळीत आहे. याआधी मागील वर्षी सप्टेंबर महिन्यात एक तास बंद विस्कळी झाली होती. आज १० मार्च रोजी दुपारी ३.२० वाजता एक्स प्लॅटफॉर्म डाऊन झाला होता. काही वेळानंतर पुन्हा 'एक्स' प्लॅटफॉर्म सुरु झाला. त्यानतंर पुन्हा ७ वाजता 'एक्स' युजर्सना तांत्रिक अडचणी येऊ लागल्या आहेत. त्यानंतर आता ८ वाजून ४४ मिनिटांनी पुन्हा 'एक्स' डाऊन झालं.