नवीन आणि जबरदस्त Acemagic X1 लॅपटॉप लॉन्च झाला आहे. कंपनीचा दावा आहे की, हा लॅपटॉप जगातील पहिला लॅपटॉप आहे, जो ड्युअल स्क्रीनसह उपलब्ध असेल. या लॅपटॉपची स्क्रीन 360 डिग्री हॉरिझॉन्टल फोल्ड फीचरसह येते.

Acemagic X1 ला फ्लिप स्क्रीन देखील म्हटले जाऊ शकते. यात फ्लिप स्क्रीन असल्याने युजर्स त्यांच्या गरजेनुसार हा सेट करू शकतात. युजर्सला साइड बाय साइड डिस्प्ले म्हणून वापरायचा असले तरी हा लॅपटॉप अतिशय सोपा आहे.

Acemagic X1 मध्ये बॅक टू बॅक मोड देखील आहे, ज्याचा वापर करून तुम्ही तुमच्या समोर बसलेल्या व्यक्तीला लॅपटॉप स्क्रीन दाखवू शकता. तसेच हा लॅपटॉप गेम खेळणे आणि चित्रपट पाहणे इत्यादींसाठी खूप उपयुक्त ठरू शकतो. सध्या कंपनीकडून याच्या किंमतीबाबत कोणतीही माहिती समोर आलेली नाही.

कंपनीने या लॅपटॉपमध्ये 12व्या जनरेशनचा इंटेल कोर i7-1255U प्रोसेसर वापरला आहे. याव्यतिरिक्त, Acemagic X1 मध्ये दोन 14-इंच फुल एचडी स्क्रीन आहेत. स्टोरेज बद्दल बोलायचे झाले तर हा लॅपटॉप 16GB ड्युअल चॅनल DDR4 रॅम आणि 1TB SSD स्टोरेज सह लॉन्च करण्यात आला आहे.

यात दोन यूएसबी टाइप-सी, एक यूएसबी 3.0 टाइप-ए आणि एक एचडीएमआय 2.0 पोर्ट पॅक ग्राहकांना मिळेल. मात्र दोन यूएसबी-सी पोर्टपैकी एक फक्त चार्जिंगसाठी आहे. Acemagic ने सांगितले आहे की, हा लॅपटॉप वाय-फाय 6, ब्लूटूथ 5.2 ला सपोर्ट करतो आणि 70.4Wh बॅटरी पॅक देण्यात आला आहे.