Petrol-Diesel Price Prediction Latest News

महागाईचा मार सहन करणाऱ्या सामान्यांसाठी आनंदाची बातमी आहे. देशात लवकरच पेट्रोल-डिझेलच्या किंमती कमी होण्याची शक्यता आहे. गेल्या वर्षी सप्टेंबरमध्ये प्रतिबॅरेल ९४ डॉलरवर गेलेले कच्चे तेल आता ७८ डॉलरच्या आसपास आले आहेत. त्यामुळे लोकसभा निवडणुकीपूर्वी मोदी सरकार पेट्रोल डिझेलच्या किंमतीत कपात करण्याचा निर्णय घेऊ शकतं. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मागील काही दिवसांपासून देशातील जनतेला महागाईचा मार सहन करावा लागत आहे. पेट्रोल-डिझेल (Petrol-Diesel) तसेच घरगुती गॅसच्या किंमतीत मोठी वाढ झाली आहे. यामुळे विरोधक केंद्रातील मोदी सरकारला धारेवर धरत आहेत. त्यामुळे लोकसभा निवडणुकीपूर्वी इंधनाच्या किंमतीवर मोठा निर्णय होण्याची शक्यता आहे.

सौदी अरेबियाने आशियाई देशांसाठी कच्चे तेल स्वस्त करण्याचा निर्णय घेतला आहे. या निर्णयाचा भारताला मोठा फायदा होणार आहे. सौदी अरामकोने आपल्या प्रमुख अरेबियन लाइट क्रूडच्या किंमतीत मोठी कपात केली आहे. (Latest Marathi News)

ही कपात २७ महिन्यांच्या नीच्चांकी पातळीवर पोहचली आहे. यामुळे निवडणुकीच्या वर्षात पेट्रोल आणि डिझेलच्या किमती कमी होऊ शकतात. असं झाल्यास महागाईही कमी होण्याची अपेक्षा आहे. तसे पाहता मे २०२२ पासून देशात पेट्रोल आणि डिझेलच्या किमतीत कुठलाही बदल झालेला नाही,

या काळात कच्च्या तेलाच्या किमतीत बरेच चढ-उतार झाले आहेत. सध्या मुंबईत पेट्रोलचा दर प्रतिलिटर १०६.३१ इतका असून डिझेलचा ९२.७६ रुपये इतका आहे. दुसरीकडे दिल्लीत पेट्रोलचा भाव ९६.७२ रुपये प्रतिलीटर, तर डिझेल भाव ९०.८ प्रतिलीटरवर आहे. विशेष बाब म्हणजे कच्चा तेलाचे दर प्रतिबॅरेल १०० डॉलर्सच्या आसपास गेल्यानंतही देशात पेट्रोल-डिझेलचा हाच भाव भाव कायम होता.

आता कच्चा तेलाचे दर ७८ डॉलर्सवर आल्याने पेट्रोल डिझेल दरात ९ ते १० रुपयांची कपात होऊ शकते. दरम्यान, भारतातील ऑइल अँड नॅचरल गॅस कॉर्पोरेशनने (ONGC) रविवारी कृष्णा-गोदावरी खोऱ्यातून कच्च्या तेलाचे उत्पादन सुरू केले.

केंद्रीय पेट्रोलियम मंत्री हरदीप सिंग पुरी यांनी X.com (पूर्वीचे ट्विटर) वर याबाबतची माहिती दिली आहे. यामुळे कच्चा तेलाच्या दरात आणखीच घसरण होण्याची शक्यता असून पेट्रोल-डिझेल दरात कपात करण्याचा चांगला योग आहे. असं झाल्यास सामन्यांना मोठा दिलासा मिळू शकतो.