पश्चिम बंगालमध्ये भाजपचे सरकार स्थापन झाले. सुवेंदू अधिकारी यांनी मुख्यमंत्रीपदाची शपथ घेतली. यानंतर आता सरकार लवकरच महिलांसाठी अन्नपूर्णा भंडार योजना सुरु करणार आहे. विधानसभा निवडणुकीच्या प्रचारादरम्यान पंतप्रधान नरेंद्र मोदी आणि केंद्रीय गृह मंत्री अमित शाह यांनी महिलांसाठी अन्नपूर्ण भंडार सामाजिक कल्याण योजना लागू करण्याचे आश्वासन दिले होते. त्यानंतर आता ही योजना प्रत्यक्षात लागू होणार आहे.

१ जूनपासून महिलांना मिळणार ₹३०००

बंगाल सरकारच्या अन्नपूर्णा भंडार योजनेअंतर्गत महिलांच्या खात्यात ३००० रुपये जमा केले जाणार आहेत. १ जूनपासून हे पैसे जमा केले जाणार आहेत. बंगाल राज्य सरकारने याबाबत सोमवारी अधिकृत माहिती दिली. त्यामुळे महिलांच्या खात्यात १ जूनपासून ३००० रुपये जमा होण्यास सुरुवात होणार आहे.

राज्य सरकारने दिली माहिती

मुख्यमंत्री सुवेंदू अधिकारी यांनी मुख्यमंत्री पदाचा कारभार हाती घेताच पहिल्याच दिवशी याबाबत माहिती दिली आहे. त्यांनी आपली आश्वासने पूर्ण करण्यास सुरुवात केली आहे. काल सरकारची पहिली कॅबिनेट बैठक झाली. बैठकीनंतर राज्य सरकारने अन्नपूर्णा भंडार योजना सुरु करण्याची तारीख सांगितली.

बंगाल सरकारने अजून एक महत्त्वाची घोषणा केली आहे. महिलांना सरकारी बसमधून प्रवास मोफत असणार आहे. १ जूनपासून त्यांना कोणतेही पैसे द्यावे लागणार नाही. त्यामुळे महिलांच्या खात्यात पुढच्या महिन्यापासून प्रत्येकी ३००० रुपये जमा केले जाणार आहेत.