भारतात राहण्यासाठी रहिवासी असल्याचा पुरावा असणे खूप गरजेचे आहे. यामध्ये तुमच्याकडे अनेक कागदपत्रे असणे गरजेचे आहे. तुम्हाला नेहमी काही न काही कागदपत्रांची गरज ही पडतेच. अन्यथा तुमची अनेक कामे होत नाही. यामध्ये आधार कार्ड, पॅन कार्ड, रेशन कार्ड, वोटर आयडीचा समावेश आहे. ही कागदपत्रे खूप महत्त्वाची आहेत. आता तुम्हाला वोटर आयडी तुमच्या आधार कार्डशी लिंक करावे लागणार आहे.

मतदान करणे हा प्रत्येक भारतीय नागरिकाचा अधिकार आहे. यासाठी प्रत्येकाकडे वोटर आयडी असणे गरजेचे आहे. आता वोटर आयडीबाबत मोठी अपडेट जारी केली आहे. ज्यामध्ये वोटर आयडीला आधारशी लिंक करावे लागणार आहे.

वोटर आयडी आणि आधार कार्ड लिंक कसं करायचं? (How To Link Voter ID And Aadhaar Card)

तुमचे मतदान कार्ड हे आधार कार्डशी लिंक करणे अनिवार्य असणार आहे. मात्र, यासाठी प्रोसेस काय असणार, हे आयडी लिंक कसं करायचं याबाबत अनेक प्रश्न विचारले जात आहेत. मात्र, अद्याप याबाबत कोणतेही निर्देश जारी केलेले नाही. लवकरच निवडणूक आयोग याबाबत माहिती देणार आहे.

पॅन कार्ड अन् आधार कार्ड लिंक असणे गरजेचे

पॅन कार्ड आणि आधार कार्डशी लिंक करणे गरजेचे आहे. तुमच्या सर्व बँकेच्या कामांसाठी किंवा टॅक्सबाबतच्या कामांसाठी हे दोन कागदपत्रे लिंक असणे गरजेचे आहे. जर तुमचे पॅन कार्ड आणि आधार कार्ड लिंक नसेल तर तुमचे पॅन कार्ड निष्क्रिय होऊ शकते.

वोटर आयडी आणि आधार कार्ड लिंक केल्याने बोगस मतदारांना आळा बसणार आहे. एका वोटर आयडीवरुन एकाच व्यक्तीला मतदान करता येणार आहे. यामुळे निवडणूक आयोगाला मदत होणार आहे. गोपनियता राखावी आणि बोगस मतदान कमी व्हावे, यासाठी हे पाऊल उचलले आहे.