भारताची सर्वात मोठी कमर्शियल वाहन उत्पादक कंपनी टाटा मोटर्सने १ एप्रिलसापून आपल्या वाहनांच्या किमतीत वाढ करण्याची घोषणा केली आहे. ऑटोमोबाईल उद्योगातील कच्च्या मालाच्या किमती सतत वाढत आहेत. ज्यामुळे कंपनीच्या खर्चावर याचा परिणाम होत आहे. वाढत्या खर्चामुळे हा निर्णय घेण्यात आला, असे कंपनीने म्हटले आहे.

टाटा मोटर्स त्यांच्या कमर्शियल गाड्यांच्या म्हणजेच ट्रकच्या किमतीत २ टक्क्यांपर्यत पर्यंत वाढ करणार आहे. वाहनांच्या वेगवेगळ्या मॉडेल्स आणि व्हेरिएंटनुसार यांच्या किमतीत वाढ आणि बदल होणार आहे. यापूर्वी, मारुतीन सुझुकीनेही एप्रिलपासून त्यांच्या वाहनांच्या किमतीत ४ टक्क्यांपर्यंत वाढ करण्याची घोषणा केली आहे.

टाटा मोटर्सने वाहनांची किंमत वाढवली

टाटा मोटर्सने त्यांच्या एक्सचेंज फाइलिंगमध्ये म्हटले आहे की, १ एप्रिल २०२५ पासून त्यांच्या कमर्शियल म्हणजेच व्यावसायिक वाहनांच्या किमतीत २ टक्क्यांपर्यंत पर्यंत वाढ होईल. वाढत्या इनपुट खर्चाचे संतुलन करण्यासाठी ही किंमत वाढवली जात आहे. आणि ही किंमत प्रत्येक वाहनाच्या मॉडेल आणि व्हेरिएंटनुसार बदलू शकते. ऑटोमोबाईल उद्योगातील कच्च्या मालाच्या किमतीत सतत वाढ होत आहेत. आणि याचा परिणाम कंपनीच्या बजेटवर होत आहे. वाढत्या खर्चामुळे हा निर्णय घेण्यात आला. असे कंपनीने म्हटले आहे.

मारुती सुझुकीनेही वाढवली वाहनांची किंमत

टाटा मोटर्स आधी भारतातील सर्वात मोठी कार उत्पादक कंपनी मारुती सुझुकीनेही एप्रिल २०२५ पासून आपल्या सर्व वाहनांच्या किमतीत ४ टक्क्यांची वाढ करण्याची घोषणा केली आहे. कंपनीने यामागे अनेक कारणे असल्याचं सांगितले आहे. कच्च्या मालाच्या वाढत्या किमती, वाढता वाहतूक खर्च आणि वाढती महागाई या सर्व कारणांमुळे कंपनीला हा निर्णय घ्यावा लागला आहे.

सतत कच्चा मालाच्या किमतीत होणारी वाढ आणि पेट्रोल डिझेलच्या किमतीतील चढ-उतार या सर्व गोष्टींमुळे मारुती सुझुकीने आपल्या वाहनांच्या किमतीत वाढ करण्याचा निर्णय घेतला आहे. कंपनीने म्हटले आहे की, ग्राहकांवर कमीत कमी भार टाकण्याचा प्रयत्न असेल. परंतु वाढत्या खर्चामुळे कंपनीना हा निर्णय घेणे आवश्यक आहे.