यूपीएससी ही देशातील सर्वात अवघड परीक्षांपैकी एक आहे. यूपीएससी परीक्षा पास करण्यासाठी खूप मेहनत करावी लागते. दरम्यान, परिस्थिती कशीही असली तरी त्यावर मात करता यायला हवी. तुम्ही प्रयत्न केले तर अपयशाला यशात बदलू शकतात. यासाठी फक्त इच्छाशक्ती लागते. असंच काहीसं आयपीएस उमेश गणपत यांनी केलं.

उमेश गणपत हे एकेकाळी १२वीच्या परीक्षेत नापास झाले होते. ते लहानपणी शाळा सोडून सायकलवर दूध विकायला जायचे. त्यांना अनेक नकार पचवायला लागले. त्यांच्या आयुष्यात खूप अडचणी आल्या परंतु त्यांनी नशीब बदलण्याचा निर्णय घेतला.

उमेश गणपत हे महाराष्ट्रातील नाशिक जिल्ह्यातील त्र्यंबकेश्वर येथील रहिवासी आहे. त्यांचे वडील शेती करायचे. त्यांच्या कुटुंबात पशुपालन करायचे. त्यातून येणाऱ्या दूध उत्पन्नातून पैसे मिळवायचे. त्याच पैशातून कुटुंबाचे पालनपोषण व्हायचे.

दूध विकायला जायचे

उमेश गणपत हे २००१ मध्ये बोर्डिंग शाळेत शिकायचे. त्यांनी १०वी पास केली परंतु १२वीत इंग्रजी विषयात नापास झाले. त्यामुळे त्यांनी बोर्डिंग स्कूल सोडले. उमेश यांनी शाळा सोडल्यानंतर ते शेती आणि दूध विकण्यासाठी कुटुंबाला मदत करायचे. ते दूध जमा करुन नाशिकच्या बाजारात जायचे.

नाशिकला जाताना त्यांनी विद्यापीठात विद्यार्थ्यांना शिकताना पाहिले. त्यावेळी त्यांनी यशवंतराव चव्हाण ओपन युनिव्हर्सिटीमध्ये अॅडमिशन घेतले. त्यांनी २००५ मध्ये १२वी पास केली. यानंतर पुणे विद्यापीठात बीए, BEd आणि MAसाठी अॅडमिशन घेतले.

यानंतर त्यांनी यूपीएससी परीक्षा देण्याचा निर्णय घेतला. यासाठी ते दिल्लीला गेले. त्यांना २०१२ आणि २०१३ मध्ये यूपीएससी परीक्षेत अपयश मिळाले. परंतु त्यांना हार मानली नाही. त्यांनी तिसऱ्या प्रयत्नानत यूपीएससी परीक्षा पास केली आणि आयपीएस पदाला गवसणी घातली.