केंद्रीय लोकसेवा आयोगाची परीक्षा देणे खूप अवघड असते. यूपीएससी परीक्षा पास करुन आयएएस आणि आयपीएस होण्याचे अनेकांचे स्वप्न असते. दरम्यान, देशभरात लाखो लोक परीक्षा देतात. परंतु अनेकांना अपयश येते. परंतु कितीही अपयश आले तरीही हार मानायची नसते. दरम्यान, अनेकांनी दोनवेळादेखील यूपीएससी परीक्षा पास केली. असंच काहीसं कोमल पुनिया यांच्यासोबत झालं.

कोमल पुनिया यांनी यूपीएससी परीक्षेत सहावी रँक प्राप्त केली. त्या आयएएस झाल्या. त्याआधी त्या आयपीएस झाल्या. यानंतर आयएएस बनण्याचे स्वप्न पूर्ण केले. दोनदा त्यांनी यूपीएससी परीक्षा पास केली.

कोमल पुनिया यांनी पहिल्यांदा २०२३ मध्ये यूपीएससी परीक्षा पास केली. त्यांना ४७४ रँक मिळाली. यानंतर त्यांनी पुन्हा एकदा यूपीएससी परीक्षा पास केली. त्यांना सहावी रँक मिळाली.

पहिल्या प्रयत्नात मेन्समध्ये अपयश

२०२२ मध्ये त्यांनी पहिल्यांदा यूपीएससी परीक्षा दिली. परंतु त्या मेन्स परीक्षा पास करु शकल्या नाहीत. यानंतर त्यांनी पुन्हा २०२३ मध्ये परीक्षा दिली. त्यामध्ये त्यांना यश मिळाले. यावेळी त्यांची आयपीएस ऑफिसर म्हणून निवड झाली.

कोमल यांनी जवाहर नवोदय विद्यालयामधून शिक्षण घेतले. यानंतर २०२१ मध्ये आयआयटी रुडकीमधून इंजिनियरिंगची डिग्री प्राप्त केली. त्यांची दुसऱ्या प्रयत्नात आयपीएस पदावर निवड झाली. त्यानंतर आयएएस पदावर निवड झाली. त्यांचे बालपण ग्रामीण भागात गेले. त्यांचे वडील शेतकरी आहेत. शेतकऱ्याच्या लेकीने मोठ्या जिद्दीने यूपीएससी परीक्षा पास केली.