शेअर बाजारातील जानूस कॉर्पोरेशन लिमिटेडचा ​​शेअर गेल्या शुक्रवारी २० टक्क्यांनी वधारला. या शेअरला अप्पर सर्किट लागले होते आणि तो ७.१४ रुपयांवर बंद झाला. बीएसईवर कंपनीच्या शेअर्समध्ये ११ पटीहून अधिकची उसळी दिसून आली.कंपनीचे बोर्ड मेंबर ११५२०००० इक्विटी जारी करण्यासंदर्भात आणि वाटपासंदर्भात तत्त्वत: मंजुरीच्या औपचारिक स्वीकृतीवर चर्चा करण्यासाठी आणि अनुमोदनासाठी आज बैठक करणार आहेत, असं जानूस कॉर्पोरेशन लिमिटेडने म्हटलंय.

अशी शेअर्सची स्थिती

कंपनीचे मार्केट कॅप ९.५६ कोटी रुपये इतकं आहे आणि मार्च २०२४ पर्यंत कंपनी कर्ज मुक्त असल्याचं सांगितलं जात आहे. जानूस कॉर्पोरेशन लिमिटेडचा शेअर गेल्या पाच दिवासांत १५.७२ टक्क्यांनी वधारलाय. महिन्याभरात हा शेअर १४ टक्के आणि सहा महिन्यात २० टक्क्यांनी वधारला आहे. या वर्षात आतापर्यंत हा शेअर ५० टक्क्यांनी वधारला आहे. तसेच वर्षभराचा विचार करता हा शेअर एका वर्षात ८१.६८ पर्यंत वधारला आहे. या शेअरचा ५२ आठवड्यांचा उच्चांक ८.९५ रुपये तर नीचांक ३.६० रुपये एवढा आहे. गेल्या २०२१ मध्ये हा शेअर ५५ रुपयांवरून ८५टक्क्यांपर्यंत घसरला होता.

काय करते कंपनी

जानूस कॉर्पोरेशन लिमिटेड कंपनी पर्यवेक्षण आणि व्यवस्थापन, सुरक्षा ऑडिट, साइट व्यवस्थापन, सुरक्षिततेचे व्यवस्थापन, सुरक्षा दस्तऐवजीकरण आणि सुरक्षा प्रक्रियांसह बांधकाम व्यवस्थापन सल्लागार सेवा देते.

(टीप - ही केवळ शेअरच्या परफॉर्मन्सची माहिती देण्यात आली आहे. हा गुंतवणुकीचा सल्ला नाही. शेअर मार्केटमधील गुंतवणूक ही जोखमीवर अवलंबून असते.)