Budget 2026: केंद्रीय अर्थसंकल्प (Union Budget 2026) सादर होण्यापूर्वीच भारतीय शेअर बाजारात मोठी खळबळ उडाली आहे. आज बाजारात झालेल्या प्रचंड विक्रीमुळे सेन्सेक्स आणि निफ्टी या दोन्ही निर्देशांकांमध्ये मोठी घसरण पाहायला मिळाली. यामुळे अवघ्या काही तासांत गुंतवणूकदारांचे अब्जावधी रुपये बुडाले आहेत. त्यामुळे शेअर बाजारात चिंतेचे वातावरण आहे. बँकिंग, आयटी आणि ऑटो क्षेत्रातील शेअर्समध्ये सर्वाधिक पडझड झाल्याचे चित्र दिसतेय. जवळपास 80 ते १०० अंकांनी सेन्सेक्स घसरला. निफ्टी (Nifty) ५० हून अधिक अंकांनी खाली आला असून सध्या स्थिरावला आहे. दरम्यान, भारतात दुसऱ्यांदा रविवारी हा शेअर मार्केट सुरु राहिलाय. याआधी अटलबिहारी वाजपेयी यांच्या कार्यकाळात २८ फेब्रुवारी १९९९ रोजी रविवारी हा केंद्रीय अर्थसंकल्प सादर करण्यात आला होता.

गुंतवणूकदारांची धाकधूक का वाढली?

गुंतवणूकदारांमध्ये सध्या 'Wait and Watch' अशी परिस्थिती आहे. अर्थसंकल्पानंतर बाजार सावरणार की ही घसरण सुरूच राहणार, याबाबत तज्ज्ञांमध्ये मतभेद आहेत. मध्यमवर्गीय आणि किरकोळ गुंतवणूकदारांसाठी पोर्टफोलिओ लाल रंगात गेल्याने भीतीचे वातावरण निर्माण झाले आहे. बाजारातील ही घसरण तात्पुरती असू शकते. अर्थसंकल्पातील घोषणांनंतर बाजार पुन्हा उसळी घेण्याची शक्यता आहे, त्यामुळे गुंतवणूकदारांनी घाईने निर्णय न घेता संयम पाळावा, असे काही तज्ज्ञांनी सांगितलेय.

शेअर मार्केट का कोसळला ?

गुंतवणूकदारांमध्ये 'कॅपिटल गेन्स टॅक्स' (Capital Gains Tax) वाढवण्याबाबत भीती होती. नवीन कर रचनेमुळे नफ्यावर परिणाम होईल या भीतीने मोठ्या प्रमाणात नफा वसुली (Profit Booking) झाली. अमेरिकन बाजार आणि आशियाई बाजारातील घसरणीचा भारतीय बाजारावर परिणाम झाला. अमेरिकन फेडरल रिझर्व्हने व्याददर कपात न केल्यामुळे जागतिक स्तरावर सावधगिरीचे वातावरण होते. मध्य-पूर्वेतील तणावामुळे ब्रेंट क्रूड ऑइलच्या किमती प्रति बॅरल $70 च्या वर गेल्या आहेत. भारत हा मोठा तेल आयातदार देश असल्याने याचा फटका अर्थव्यवस्थेला बसला. विदेशी गुंतवणूकदारांनी भारतीय बाजारातून पैसे काढून घेण्याचा सपाटा लावला आहे, त्याचाही परिणाम झाला आहे. त्याशिवाय सातत्याने रूपयाची किमत घसरत आहे.