भारतीय शेअर बाजारात आज मंगळवारी अमेरिकेचे राष्ट्राध्यक्ष डोनाल्ड ट्रम्प यांच्या टॅरिफची दहशत पाहायला मिळाली. अमेरिकेचे राष्ट्राध्यक्ष डोनाल्ड ट्रम्प यांच्या निर्णयाने भारतीय शेअर बाजारात घसरण पाहायला मिळत आहे. आठवड्याच्या दुसऱ्या दिवशी देखील बॉम्बे स्टॉक एक्सचेंजचे ३० शेअर आणि नॅशनल स्टॉक एक्सचेंजचा निफ्टी लाल रंगात दिसला. सुरुवातीच्या काही वेळानंतर बाजारात मोठी घसरण पाहायला मिळाली. शेअर बाजारात सेन्सेक्स ८०० अंकांनी घसरून ७६५०० वर पोहोचला. तर निफ्टी घसरून २३००० वर पोहोचला.

सोमवारसारखी मंगळवारी देखील शेअर बाजारात घसरण पाहायला मिळाली. बीएसई सेन्सेक्समध्ये ७७,३८४.९८ वर सुरु झाल्यानंतर अचानक घसरण दिसून आली. त्यानंतर पुढे ७६,९३१.७७ वर पोहोचला. दुसरीकडे एनएसई निफ्टी २३,३८३.५५ वर सुरु होऊन काही मिनिटांनी १२० अंकांनी घसरून २३,२६१.२५ वर पोहोचला. मागील दोन दिवसांपासून दोन्ही इंडेक्स लाल रंगात दिसत आहे.

अमेरिकेचे राष्ट्राध्यक्ष डोनाल्ड ट्रम्प यांनी पदभार स्वीकारल्यानंतर 'टॅरिफ वॉर' सुरु झाला आहे. मागील आठवड्यात त्यांनी केलेल्या घोषणेमुळे भारतीय व्यापाऱ्यांची चिंता वाढली. राष्ट्राध्यक्ष डोनाल्ड ट्रम्प यांनी स्टील आणि अॅल्यूमिनियमच्या वस्तूवर आयातशुल्क २५ टक्के लागू करण्याची घोषणा केली होती. या क्षेत्राशी निगिडीत भारतीय कंपन्यांचे अमेरिकेत मोठे व्यवहार होतात. भारतातून अमेरिकेत दरवर्षी अब्जो डॉलरचं स्टील आणि अॅल्यूमिनियम निर्यात केलं जातं.

अमेरिकेचे राष्ट्राध्यक्ष डोनाल्ड ट्रम्प यांच्या घोषणेनंतर Tata steel, JSW Steel, Nalco च्या शेअरमध्ये घसरण पाहायला मिळाली. सोमवारी देखील या शेअरमध्ये घसरण पाहायला मिळाली होती. त्यानंतर मंगळवारी देखील शेअर बाजारात घसरण पाहायला मिळाली.

कोणते १० शेअरमध्ये झाली मोठी घसरण?

लार्जकॅप कॅटेगरीमधील zomato share (4.56 टक्के ), Powergrid share (2.05 टक्के), kotak bank share (2 टक्के) आणि tata motors share (1.90 टक्के) हे शेअर घसरणीसह व्यवहार करत आहे.

मिडकॅपमध्ये कॅटेगरीमध्ये Nam-india share (5.02 टक्के), Thermax share (4.83 टक्के), Emami ltd share (4.67 टक्के), IREDA share (4.20 टक्के) हे शेअर घसरणीसह व्यवहार करत आहे. स्मॉलकॅप कॅटेगरीमध्ये Alicon Share मध्ये घसरण पाहायला मिळाली. हा शेअर 16.05 टक्क्यांनी घसरला. या व्यतिरिक्त NGL Fine शेअर 13.19 टक्क्यांनी घसरला.