आज सकाळी शेअर मार्केमध्ये खूप संथ सुरुवात झाली आहे. शेअर मार्केटमधील गुंतवणूकदारांसाठी आजचा दिवस ब्लॅक फ्रायडे असल्याचे दिसत आहे. आज शेअर मार्केट धडामधूम आपटला आहे. शुक्रवारी सकाळी शेअर मार्केट सुरु होताच निफ्टी आणि सेन्सेक्स दोन्ही कोसळला आहे.

सेन्सेक्स आणि निफ्टीमध्ये पडझड (Sensex And Nifty Fall)

शुक्रवारी बाजार उघडताच सेन्सेक्स १३०० आणि निफ्टी ४०० अंकानी घसरला आहे. सेन्सेक्समध्ये १.६ टक्क्यांनी घसरण झाली आहे. सेन्सेक्स ८०,३५४ वर पोहचला आहे. तर निफ्टी ४०० पेक्षा जास्त अकंनी घसरला आहे. १.७ टक्क्यांनी घसरुन २४,४७३ वर पोहचला आहे.

आज शेअर मार्केटमध्ये बीएसई आणि स्मॉल कॅप निर्देशंकातही घसरण झाली आहे. बीएसईचे स्टॉक १.५ टक्क्यांनी घसरले आहे. बीएसईअंतर्गत सूचीबद्ध सर्वच कंपन्यांच्या शेअर्समध्ये घसरण झाली आहे. कंपन्याने बाजार भांडवल ४४९.६ वरुन ४४२.५ कोटींवर आले आहे.

इस्त्रायल आणि इराणमधील युद्धाचा परिणाम शेअर मार्केटवर झाला आहे. इस्त्रायलने आज सकाळी इराणवर हल्ला केला. त्याचा परिणाम शेअर मार्केटवर झाला आणि शेअर्स घसरले.

गुंतवणूकदारांचे ७ लाख बुडाले (Share Market Fall Today)

शेअर मार्केटमध्ये घसरण झाल्याने गुंतवणूकदारांचे तब्बल ७ लाखांचे नुकसान झाले आहे. आज दिवसभरही शेअर मार्केटमध्ये घसरण होण्याची शक्यता आहे. कालदेखील दुपारी शेअर मार्केटमध्ये कपात झाली आहे. एअर इंडियाच्या विमानाच्या अपघातानंतर ही पडझड झाली होती. दरम्यान, आता इस्त्रायल आणि इराण युद्धानंतरही शेअर मार्केटमध्ये पडझड झाली आहे.