पगारातून आपण नेहमीच थोडी रक्कम बाजूला काढून सेविंग्स करतो. भविष्यासाठी सुरक्षिततेच्या दृष्टीने ही रक्कम जपून ठेवली जाते. उत्तम व्याजदर मिळेल अशा ठिकाणी गुंतवणूक करण्याची आपली इच्छा असते. अशावेळी पोस्ट ऑफिसची आरडी (Recurring Deposit) योजना तुमच्यासाठी उत्तम पर्याय ठरू शकते. या योजनेत गुंतवणूक करून तुम्ही मोठी रक्कम तयार करू शकता. दररोज फक्त 222 रुपये बाजूला ठेवून तुम्ही तब्बल 11 लाखांचा निधी उभारू शकता.

पोस्ट ऑफिसची आरडी योजना भन्नाट आहे. या योजनेत आपण दरम्हा काही रक्कम गुंतवून उत्तम निधी उभारू शकता. नियमिय जर आपण 222 रुपयांची गुंतवणूक केली तर, महिन्याला 6,660 रुपये जमा होतात. 5 वर्षात एकूण 3,11,600 रुपये जमा होतात. पोस्ट ऑफिसच्या आरडी योजनेअंतर्गत आपल्याला वार्षिक 6.7 टक्के चक्रवाढ व्याज मिळते.

म्हणजे आपल्याला व्याजावर व्याज मिळते. म्हणजेच 5 वर्षानंतर आपल्या खात्यात 4,75,297 जमा होतील. आणखी 10 वर्षासाठी ही गुंतवणूक वाढवली तर, तुमच्या खात्यात ७,९९,२०० रूपये जमा होतील. एकूण व्याजासकट ११,३७,८९१ रूपये जमा होतील. अशा प्रकारे आपण १० वर्षांसाठी गुंतवणूक केली तर, ११ लाख रूपये जमा होतील. दररोज २२२ रूपये जमा करून आपण एवढी मोठी रक्कम तयार करू शकता.

आपण हे खातं एकटे किंवा संयुक्त नावाने उघडू शकता आणि त्यात गुंतवणूक करू शकता. जर आपल्याला पैशांची आवश्यकता असेल किंवा, पुढे पैसे भरू शकत नाही तर, आपण ६ वर्षांनी खातं बंद करू शकता. खातं बंद करण्यासाठी आपल्याकडे पर्याय उपलब्ध आहे. तसेच, १ वर्ष गुंतवणूक केली तर, तुमच्या ठेवीवर आपल्याला ५० टक्केपर्यंत कर्जही मिळू शकते. या कर्जावर आपल्याला २ टक्के अतिरिक्त व्याज आपल्याला द्यावं लागेल.