8 व्या वेतन आयोगाकडे डोळे लावून बसलेल्या केंद्र सरकारी कर्मचारी आता मालामाल होण्याची शक्यता आहे..कारण केंद्र सरकारने 8 वा वेतन आयोग स्थापन केलाय...या आयोगानुसार 49 लाख केंद्र सरकारी कर्मचाऱ्यांच्या पगारात आणि 69 लाख पेन्शनधारकांच्या पेन्शनमध्ये मोठी वाढ होण्याची शक्यता आहे.. त्यासाठी सुत्रांनी दिलेल्या माहितीनुसार 8 वा वेतन आयोग कर्मचाऱ्यांसाठी 2.57 फिटमेंट फॅक्टरनुसार पगारात वाढ करणार असल्याचं समोर आलंय...मात्र हा फिटमेंट फॅक्टर कसा मोजला जातो... पाहूयात...

एखाद्या कर्मचाऱ्याचा जुना बेसिक पगाराला 2.57 टक्क्यांनी गुणल्यानंतर येणारं उत्तर हा नवा पगार असतो.... म्हणजेच एखाद्या कर्मचाऱ्याचा बेसिक पगार 18 हजार असेल तर 8 व्या वेतन आयोगानुसार हा पगार 46 हजार 260 रुपये इतका होण्याची शक्यता आहे... तर सध्या 58 टक्के इतका महागाई भत्ता देण्यात येतो.. त्यात वाढ होऊन हा भत्ता 61 टक्के इतका होण्याची शक्यता आहे...

खरंतर कर्मचाऱ्यांच्या पगारात 10-20 नाही तर आता 257 टक्के इतकी वाढ होण्याची शक्यता आहे... त्यामुळे कर्मचाऱ्यांची फक्त पगारवाढच नाही तर त्यांना जानेवारी ते मार्च असा तीन महिन्यांच्या पगाराचा फरकही देण्यात येणार आहे... त्यामुळे ऐन युद्ध आणि जग मंदीच्या उंबरठ्यावर असताना सरकारी कर्मचारी मात्र मालामाल होण्याची शक्यता आहे...