सर्वसामान्यांसाठी दिलासादायक बातमी आहे. रिझर्व्ह बँकेने रेपो रेटमध्ये कपात केली आहे. रेपो रेटमध्ये २५ बेसिस पॉइंट्सने कपात करण्यात आली आहे. बेसिस पॉइंट्स कमी झाल्याने आता कर्जावरील व्याजदरात कपात होणार आहे. रिझर्व्ह बँकेच्या निर्णयानंतर तीन राष्ट्रीय बँकांनी मोठा निर्णय घेतला आहे. त्यांनी आपल्या कर्जारील व्याजदरात कपात केली आहे.

बँक ऑफ बडोदा, इंडियन बँक आणि पंजाब नॅशनल बँकेने आपल्या कर्जावरील व्याजदरात कपात केली आहे. यामुळे आता लोन घेणे स्वस्त होणार आहे. यामुळे कर्जाचा ईएमआयदेखील कमी होणार आहे.

इंडियन बँकेत RBLR मध्ये कपात (Indian Bank)

इंडियन बँकेने ११ एप्रिलपासून RBLR मध्ये कपात केली आहे. बँकेने रेपो रेट ६.२५ वरुन ६.०० टक्के केली आहे. तर RBLR ९.०५ टक्क्यांवरुन ८.७० टक्के झाली आहे. यामुळे कर्जावरील व्याजदर कमी होणार आहे.

पंजाब नॅशनल बँक (Punjab National Bank)

पंजाब नॅशनल बँकेने रेपो लिंक्ड लेंडिग रेट (RLLR) मध्ये २५ बेसिस पॉइंट्सने कपात केली. यामध्ये बेसिस पॉइंट ९.१०वरुन ८.८५ टक्के झाले आहे. तर बँकेने एमसीएलआर आणि बेस रेटमध्ये कोणताही बदल झालेला नाही.

बँक ऑफ बडोदा (Bank Of Baroda)

बँक ऑफ बडोदाने आपल्या ग्राहकांना दिलासा दिला आहे. यामध्ये कर्जावरील व्याजदरात ०.२५ टक्क्यांनी कपात केली आहे. रिझर्व्ह बँकेने रेपो रेट कमी केल्यानंतर बँकेने हा निर्णय घेतला आहे.यामुळे होम लोन आणि पर्सनल लोनवरील व्याजदरात कपात केली आहे.

रेपो रेटचा परिणाम

रेपो रेटचा परिणाम हा कर्जाच्या व्याजदरावर होतो. रेपो रेट कमी झाल्यावर आपोआप व्याजदर कमी होते. रेपो रेटच्या आधारे बँका कर्जावरील व्याजदर ठरवतात. जर रेपो रेट कमी झाला तर व्याजदर कमी होते. जर रेपो रेट वाढला तर व्याजदर वाढते.