सरकारच्या अनेक योजनांनमध्ये नागरिक गुंतवणूक करतात. यामध्ये काही योजना मुलींसाठी आहेत काही योजना सेवानिवृत्तीसाठी आहेत.यामधील गुंतवणूक ही सुरक्षित आणि चांगला परतावा देणारी असते. जर तुमचेही एनपीएस, पीपीएफ किंवा सुकन्या समृद्धी योजनेत अकाउंट असेल तर ही बातमी खास तुमच्यासाठी. तुम्हाला ३१ मार्चपर्यंत हे काम करायचे आहे अन्यथा तुमचे खाते बंद होईल.

पीपीएफ योजना (PPF Scheme)

पीपीएफ योजनेत दर वर्षी कमीत कमी ५०० रुपये जमा करणे अनिवार्य आहे अन्यथा खाते बंद होते. खाते बंद झाल्यावर तुम्हाला लोन मिळत नाही याचसोबत पैसे काढण्याचीही सुविधा मिळत नाही. जर तुम्ही वर्षात पैसे जमा केले नाही तर ५० रुपये भरावे लागतात.

सुकन्या समृद्धी योजना (Sukanya Samruddhi Yojana)

सुकन्या समृद्धी योजना ही मुलींसाठी सुरु करण्यात आली आहे. या योजनेत वर्षाला कमीत कमी २५० रुपये गुंतवायचे आहेत. जर तुम्ही पैसे जमा केले नाही तर खाते डिफॉल्ट लिस्टमध्ये जाते. हे अकाउंट पुन्हा सुरु करण्यासाठी वर्षभरासाठी २५० रुपये फी द्यावी लागेल.

एनपीएसचे नियम (NPS Rule)

नॅशनल पेन्शन सिस्टीममध्ये तुम्हाला १००० रुपये गुंतवणूक करायचे आहे. जर हे पैसे भरले नाही तर अकाउंट फ्रीज होऊ शकते. याचसोबत १०० रुपयांचा दंड भरावा लागू शकतो.

हे काम आताच करा

जर तुम्ही अजूनही या योजनेत ही रक्कम भरली नसेल तर तुम्हाला दंड भरावा लागू शकतो. त्यामुळे तुम्ही योजनेत कमीत कमी रक्कम गुंतवा. ३१ मार्च २०२६ आधी हे काम करा अन्यथा तुम्हाला फटका बसू शकतो.