केंद्र सरकार देशातील महिलांना आर्थिकदृष्ट्या सक्षम करण्यासाठी नवनवीन योजना राबवत असतात. देशात महिलांना आपल्या भविष्यासाठी पैशांची तरतूद करण्यासाठी पोस्ट ऑफिसद्वारे योजना राबवल्या जातात. त्यातील एक योजना म्हणजे महिला सन्मान सेव्हिंग सर्टिफिकेट. या योजनेअंतर्गत तुम्हाला गुंतवणूकीवर चांगले व्याजदर मिळते. ही एक स्मॉल सेव्हिंग स्कीम आहे.

पोस्ट ऑफिसद्वारे राबवलेल्या या योजनेत गुंतवणूकीवर चांगला परतावा मिळतो. यात तुम्हाला कर सवलत ते अगदी मासिक उत्पन्न अशा अनेक सुविधा मिळतात. या योजनेत तुम्हाल २ वर्ष गुंतवणूक केल्यास २. ३२ लाख रुपये मिळतील.

महिला सन्मान बचत प्रमाणपत्र

महिलांना आर्थिक मदत करण्यासाठी ही योजना सुरु केली आहे. या योजनेत १००० रुपये ते अगदी २ लाख रुपये जमा करु शकतात. या योजनेत तुम्ही जास्तीत जास्त २ लाख रुपयांची गुंतवणूक करु शकतात. या योजनेत तुम्ही एकापेक्षा जास्त खाती उघडू शकतात.फक्त दोन खाते उघडण्यासाठी ३ महिन्यांचे अंतर असावे.

महिला सन्मान बचत प्रमाणपत्र योजनेत तुम्हाला ७.५ टक्के व्याज दिले जाते. हे व्याजदर तीन महिन्यांच्या आधारावर जमा केले जाते. या योजनेचा मॅच्युरिटी कालावधी फक्त २ वर्षांचा आहे. तुम्हाला गुंतवणूक केलेल्या तारखेच्या एका वर्षानंतर रक्कमेच्या ४० टक्के रुपये काढता येतील. या योजनत मॅच्युरीटीआधी एकदाच पैसे काढू शकता.

या योजनेत तुम्ही जास्तीत जास्त दोन लाखांची गुंतवणूक करु शकतात. त्यावर तुम्हाला ७.५० टक्के व्याजदर मिळते. त्याप्रमाणे ३२,०४४ रुपये तुम्हाला व्याजदर मिळेल. त्यामुळे मॅच्युरिटीनंतर तुम्हाला २,३२,०४४ रुपये मिळतील.