आजकाल डिजिटल युगात लॅपटॉप, स्मार्टफोन, टॅबलेट याशिवाय कोणतही काम करणे अशक्य आहे. वापरानुसार या उपकरणांमध्ये सतत बदल होत असतो. त्यामुळे कंपनी नवीन फीचर्स सोबत नवीन प्रोडक्ट लाँच करत असतात. सध्या पोको आपला नवीन टॅबलेट लाँच करणार आहे.

स्मार्टफोन निर्माता पोको लवकरच बाजारात एक नवीन टॅबलेट लाँच करणार आहे. कंपनी या नवीन टॅबलेटमध्ये 10 हजार mAh ची पॉवरफुल बॅटरी देणार असून टॅबलेटमध्ये 8 GB रॅम देखील मिळणार आहे.

कधी होणार टॅबलेट लाँच?

कंपनी 23 ऑगस्ट रोजी हा नवीन टॅबलेट देशात लाँच करणार आहे. हा टॅबलेट कंपनीने सध्या निळ्या रंगामध्ये उपलब्ध केला आहे. कंपनी Poco Pad 5G सह कीबोर्ड आणि एक स्टायलस पेन देखील देईल.अद्याप कंपनीने याची किंमत जाहीर केली नाही आहे.

डिझाइन

• स्पीकर ग्रिल्स युक्त टॅबलेट

• यूएसबी टाइप सी पोर्ट

• 3.5 मिमी ऑडिओ जॅक

• आकर्षक रचना

वैशिष्ट्ये

Poco Pad 5G या नव्याकोऱ्या टॅबलेटमध्ये 12.1 इंचाचा डिस्प्ले उपलब्ध आहे. हा डिस्प्ले 120hz च्या रिफ्रेश रेटला सपोर्ट करतो. हा नवीन टॅबलेट Snapdragon 7s Gen 2 प्रोसेसरसह लाँच केला जाईल. याशिवाय या नवीन टॅबलेटमध्ये 256GB स्टोरेज सोबत 8GB रॅम देखील मिळणार आहे. हा टॅबलेट अँड्रॉइड 14 ऑपरेटिंग सिस्टमवर काम करेल. तसेच या टॅबलेटला दोन्ही बाजूंना 8 मेगापिक्सेलचे कॅमेरा दिला आहे. पॉवरसाठी, Poco Pad 5G मध्ये 10,000mAh ची पॉवरफुल बॅटरी दिली जाईल. ही बॅटरी 33W फास्ट चार्जिंगला सपोर्ट करेल.