स्वतः चा व्यवसाय सुरु करण्याचे स्वप्न पाहणाऱ्यांसाठी महत्त्वाची बातमी आहे. स्वतः चा व्यवसाय सुरु करण्यासाठी भांडवल लागते. यासाठी तुम्हाला लोन घ्यावे लागते. परंतु लोनसाठी खूप जास्त व्याज द्यावे लागते. याचसोबत गॅरंटीदेखील द्यावी लागते. केंद्र सरकारने तरुणांसाठी खास पीएम मुद्रा योजना राबवली आहे. या योजनांमध्ये व्यवसाय सुरु करण्यासाठी २० लाखांचे कर्ज दिले जाते.

पीएम मुद्रा योजनेअंतर्गत (PM Mudra Yojana)तरुणांना २० लाखांचे लोन दिले जाते. कोणत्याही गॅरंटीशिवाय हे लोन दिले जाणार आहेत. परंतु या योजनेचा लाभ घेण्यासाठी काही अटी ठेवण्यात आल्या आहेत.

पीएम मुद्रा योजनेअंतर्गत स्वतः चा व्यवसाय सुरु करण्यासाठी प्रोत्साहन दिले जाते. याचसोबत व्यवसायाचा विस्तार करण्यासाठीही पैसे दिले जातात. या योजनेत खूप कमी व्याजदर आकारले जाते. या योजनेत तरुणांना ५०,००० ते २० लाखांचे कर्ज दिले जाते. या योजनेचा लाभ घेण्यासाठी कोणतीही प्रोसेसिंग फी भरावी लागत नाही. तुम्हाला फक्त जवळच्या बँकेत जाऊन अर्ज करायचा आहे.

पीएम मुद्रा योजनेतील कर्जावर फक्त १० त १२ टक्के व्याज द्यावे लागते. याआधी फक्त १० लाखांपर्यंतचे लोन देत होते. आता यात वाढ करण्यात आली आहे. ज्यांनी अर्ज केलाय त्यांना याआधीचे लोन पूर्णपणे फेडले तरच त्यांना लोन दिले जाणार आहे.

या योजनेत तीन प्रकारचे लोन दिले जाते. पहिले म्हणजे ५० हजार ते ५ लाख त्यानंतर ५ लाख ते १० लाख यानंतर २० लाखांपर्यंतचे लोन दिले जाते. टप्प्याटप्प्याने हे लोन दिले जाते. हे लोन घेण्यासाठी अर्जदाराचा बँक रेकॉर्ड चांगला असावा. तसेच त्याच्याकडे कामाचा अनुभव असावा.

अर्ज कुठे अन् कसा करावा

सर्वात आधी तुम्हाला www.mudra.org.in या वेबसाइटवर जावे लागेल.

यानंतर तुम्हाला लोनचे तीन ऑप्शन मिळतील. त्यातील एक ऑप्शन तुम्हाला निवडायचा आहे.

यानंतर फॉर्म डाउनलोड करुन भरावा. यानंतर फॉर्म बँकेत जाऊन सबमिट करा.

यानंतर कागदपत्रांची पडताळणी केली जाते. यानंतर बँकेत अप्रुव केला जातो.