केंद्र सरकारने शेतकऱ्यांसाठी पीएम किसान सन्मान निधी योजना राबवली आहे. या योजनेअंतर्गत शेतकऱ्यांना वर्षाला ६००० रुपये दिले जातात. ३ हप्त्यांमध्ये ही रक्कम दिली जाते. आता शेतकऱ्यांना या योजनेअंतर्गत पुढचा हप्ता लवकरच देण्यात येणार आहे.

पीएम किसान सन्मान निधी योजनेचा १८ वा हप्ता जारी करण्यात आला आहे. त्यानंतर आता १९ वा हप्ता फेब्रुवारी महिन्याच्या पहिल्या आठवड्यात दिली जाण्याची शक्यता आहे. सरकारने अजूनपर्यंत अधिकृतपणे घोषणा केली नाही. यंदाचे अर्थसंकल्पीय बजेट फेब्रुवारी महिन्यात होण्याची शक्यता आहे. त्यामुळे अर्थसंकल्पीय अधिवेशनानंतर पीएम किसान सन्मान निधी योजनेचा हप्ता जारी करण्याची घोषणा करण्यात येणार आहे.केंद्र सरकारचे बजेट १ फेब्रुवारी २०२५ ला जाहीर होणार आहे.(PM Kisan Sanman Nidhi Yojana)

पीएम किसान योजनेत तुमचा स्टेटस असा चेक करा (PM Kisan yojana status)

पीएम किसान सन्मान निधी योजनेत लाभार्थ्यांचे नाव आहे की नाही हे खाली दिलेल्या पद्धतीने चेक करा.

तुम्ही https://pmkisan.gov.in या वेबसाइटवर जा.

त्यानंतर Beneficiary Status या सेक्शनवर क्लिक करा.

त्यानंतर होमपेजवर दिलेल्या ऑप्शनवर क्लिक करा.

यानंतर तुम्ही तुमचे आधार नंबर, बँक खाते नंबर आणि मोबाईल नंबर टाका.

यानंतर माहिती सबमिट केल्यानंतर तुमच्या स्क्रिनवर योजनेबाबत सर्व अपडेट मिळतील.

मोबाईल नंबर कसा लिंक करायचा? (how to link mobile number with pm kisan yojana)

पीएम किसान पोर्टलवर मोबाईल नंबर लिंक असणे गरजेचे आहे. तसेच केवायसी करणेदेखील गरजेचे आहे.

मोबाईल नंबर लिंक करण्यासाठी CSC वर किंवा https://pmkisan.gov.in वर लॉग इन करा.

त्यानंतर अपडेट मोबाईल नंबरवर क्लिक करा.

यानंतर आधार नंबर आणि मोबाईल नंबर टाका. यानंतर वेरिफिकेशन रिक्वेस्ट सबमिट करा.