केंद्र सरकारने शेतकऱ्यांसाठी पीएम किसान सन्मान निधी योजना राबवली आहे. पीएम किसान योजनेत शेतकऱ्यांना वर्षभरात ६००० रुपये दिले जातात. पीएम किसानचे पैसे वर्षातून तीन हप्त्यांमध्ये दिले जातात. दरम्यान, आतापर्यंत शेतकऱ्यांना २२ हप्ते देण्यात आले आहेत. त्यानंतर शेतकरी आता २३व्या हप्त्याची वाट पाहत आहेत.

या दिवशी शेतकऱ्यांना येऊ शकतात ₹२००० (PM Kisan Yojana 23rd Installment of 2000 Rupees May Come on These Date)

केंद्र सरकार वर्षभरात ३ टप्प्यांमध्ये प्रत्येकी २००० रुपये देते. नवीन आर्थिक वर्ष सुरु झाल्यानंतर २ ते ३ महिन्यातच हप्ता दिला जाणार आहे. त्यानुसार आता जून किंवा जुलै महिन्यात शेतकऱ्यांच्या खात्यात पैसे जमा होऊ शकतात. दरम्यान, याबाबत अधिकृत घोषणा झालेली नाही. लवकरच सरकार याबाबत माहिती देईल.

पीएम किसानचा २२वा हप्ता १३ मार्च रोजी देण्यात आला होता. हा हप्ता येण्यास जवळपास महिनाभर उशिर झाला होता. आसामध्ये एका कार्यक्रमात पंतप्रधान मोदींच्या हस्ते हप्त्याचे वितरण करण्यात आले होते. तब्बल ९.३२ कोटी शेतकऱ्यांना पैसे दिले होते.

पीएम किसानचा हप्ता मिळवण्यासाठी हे काम कराच (PM Kisan Yojana eKYC Mandatory)

पीएम किसानचा हप्ता मिळवण्यासाठी शेतकऱ्यांना ईकेवायसी करणे खूप गरजेचे आहे. तुम्ही ऑनलाइन किंवा ऑफलाइन पद्धतीने केवायसी करु शकतात. जे शेतकरी केवायसी करणार नाही त्यांच्या खात्यात पैसे जमा होणार नाहीत.