प्रसिद्ध मोबाईल उत्पादक कंपनी ओप्पोने अलीकडेच सांगितलं आहे की, ते पुढील आठवड्यात भारतात Oppo F25 Pro स्मार्टफोन लॉन्च करणार आहे. नवीन फोन लॉन्च करण्याआधी कंपनीने गेल्या वर्षी लॉन्च केलेल्या Oppo F23 स्मार्टफोनच्या किंमतीत कपात केली आहे.
Oppo F23 स्मार्टफोनमध्ये स्नॅपड्रॅगन चिपसेट आणि फुल एचडी + डिस्प्ले आहे. जबरदस्त बॅटरी आणि डिझाइन असलेल्या या फोनची किंमत 2000 रुपयांनी कमी करण्यात आली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Oppo ने गेल्या वर्षी मे महिन्यात 24,999 रुपयांमध्ये Oppo F23 लॉन्च केला होता. आता स्मार्टफोनची किंमत 2,000 रुपयांनी कमी करण्यात आली आहे. त्यानंतर हा फोन 22,999 रुपयांना विकला जात आहे. हा स्मार्टफोन दोन रंगांच्या पर्यायांमध्ये येतो – बोल्ड गोल्ड आणि कूल ब्लॅक. (Latest Marathi News)
Oppo F23 मध्ये 6.72 इंच फुल एचडी + डिस्प्ले देण्यात आलं आहे. ज्याचे रिझोल्यूशन 1080x2400 पिक्सेल आहे. 120Hz पर्यंतच्या रिफ्रेश रेटसह डिस्प्ले पांडा ग्लास सेफ्टीसह येतो. हा स्मार्टफोन 8GB रॅमसह ऑक्टा-कोर क्वालकॉम स्नॅपड्रॅगन 695 चिपसेटसह येतो. यात 256GB स्टोरेज ग्राहकांना मिळते, जे microSD कार्डद्वारे 1TB पर्यंत वाढवता येते.
कॅमेराबद्दल बोलायचे झाले तर, Oppo F23 मध्ये ट्रिपल रियर कॅमेरा सेटअप आहे. फोनमध्ये 64MP प्रायमरी कॅमेरा, 2MP डेप्थ सेन्सर आणि 2MP मॅक्रो शूटर आहे. यात सेल्फीसाठी 32MP फ्रंट-फेसिंग कॅमेरा आहे. डिव्हाइसला पॉवर देण्यासाठी यात 5000mAh बॅटरी देण्यात आली आहे. जी 67W फास्ट चार्जिंग सपोर्टसह येते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.