मुख्यमंत्री माझी लाडकी बहीण योजना सध्या महाराष्ट्रात खूप चर्चेत आहे. याबाबत अनेक अपडेट्स समोर येत आहेत. या योजनेत महिलांना दरमहा १५०० रुपये दिले जात होते. मात्र योजनेसाठी ज्या महिला पात्र नव्हत्या त्यांनीही या योजनेचा लाभ घेतला. धक्कादायक म्हणजे यात महिलाच नाही तर पुरुषांचाही समावेश असल्याची माहिती मुख्यंमत्र्यांनी दिली.

लाडकी बहीण योजनेबाबत बोलताना फडणवीसांनी माहिती सांगितली. ते म्हणाले, '' जेव्हा लाडक्या बहिणींची केवायसी करून तपासणी केली, तेव्हा मिळालेल्या रिपोर्टनुसार, जवळपास १४००० लाभार्थी पुरुष हे लाडकी बहीण योजनेचा लाभ घेत आहेत. तसेच पाच लाख सरकारी कर्मचारी महिला, १० लाख आयकर टॅक्स भरणाऱ्या महिला आणि ४ ते ५ लाख महिलांच्या घरात गाड्या अशा लाभार्थ्यांचा त्यात समावेश आहे.''

पुरुषांकडून वसुली होणार - देवेंद्र फडणवीस

लाडकी बहीण योजनेचा हप्ता ज्या पुरुषांच्या खात्यावर गेलाय त्यांच्यासाठी ही माहिती महत्वाची आहे. मुख्यमंत्री या प्रश्नावर म्हणाले की, ''ज्यांनी अजुनही लाडक्या बहिण योजनेसंबंधी केवायसी केलेली नाही, त्यांना योजनेचा लाभ मिळणार नाही, जर आपण अपात्र व्यक्तींना पैसे देत राहिलो, तर सीएजी (CAG) नक्कीच पैसे परत मागतील. जे अत्यंत वाईट आहे.'' तर मुख्यमंत्र्यांनी निर्णय घेतला की, जे अपात्र असुनसुद्धा योजनेचा लाभ घेत होते, त्यांना एकदा सूट दिली जाईल. पण पुरुषांना यातून वगळण्यात येईल. तसेच त्यांच्याकडून पैसे वगळण्यात येतील.

लाडकी बहीण योजनेची पात्रता

जेव्हा योजना सुरु केली तेव्हाच त्याची पात्रता सांगण्यात आली होती. तसेच पात्र महिलांनाच याचा लाभ मिळणार असं सांगण्यात आलं होतं. पण काही महिलांनी या अटी पाळल्या नाहीत. त्यामुळे त्यांना याचा लाभ बंद झाला. तसेच काही महिलांनी ईकेवायसी प्रोसेस पूर्ण केली नाही. याची शेवटची तारीख ही ३१ एप्रिल होती. त्यानंतर कोणत्याच महिलेला ईकेवायसीची परवानगी दिली जाणार नाही. असं दृश्य सध्या पाहायला मिळतयं. यासंबंधी कोणतंही वक्तव्य अद्याप समोर आलेलं नाही.