रोहित कदम, साम प्रतिनिधी

जगातील दिग्गज तंत्रज्ञान कंपनी मायक्रोसॉफ्टनं यंदाच्या वर्षात दुसरी नोकरकपात केलीये. मायक्रोसॉफ्ट कंपनीनं आपल्या एकूण कर्मचाऱ्यांपैकी 2.1 टक्के म्हणजेच तब्बल 4 हजारांहून अधिक कर्मचाऱ्यांना कामावरून काढून टाकण्याचा निर्णय घेतलाय. त्यामुळे तंत्रज्ञान क्षेत्रातील नोकरदार वर्गावर भीतीचं वातावरण निर्माण झालंय. मायक्रोसॉफ्टनं घेतलेल्या नोकरकपातीमागचं नेमकं कारण काय? ते पाहा.

मायक्रोसॉफ्टमध्ये नोकर कपात

• मायक्रोसॉफ्ट कंपनी सुमारे 4,800 ते 5,500 कर्मचाऱ्यांना कामावरून काढणार

• नवीन आर्थिक वर्षाच्या नियोजनानुसार कंपनी 2.5% कर्मचारी कपात करणार

• सेल्स, कन्सल्टिंग आणि एक्सबॉक्स गेमिंग विभागातील कर्मचाऱ्यांवर थेट परिणाम होणार

• AI तंत्रज्ञान क्षेत्रातील गुंतवणूक आणि पायाभूत सुविधांचा विकास करण्यासाठी निर्णय

• 2026च्या पहिल्या 6 महिन्यांत मायक्रोसॉफ्टच्या शेअर्समध्ये तब्बल 23% ची घसरण

AI तंत्रज्ञानावरील वाढता खर्च आणि व्यवसायात कार्यक्षमता आणण्यासाठी कंपनीने हे पाऊल उचलल्याचं सूत्रांनी म्हटलंय. इतकंच नव्हे तर व्यावसायिक गणिते चुकल्यामुळे कंपनीला एक्सबॉक्सच्या पुनर्रचनेचा निर्णय घ्यावा लागल्याचं गेमिंग विभागाचं म्हणणं आहे. एकूणच, AI आणि अन्य कारणांमुळे यंदा वर्षाच्या सुरूवातीपासूनच जगभरातील अनेक तंत्रज्ञान कंपन्यांनी नोकर कपातीचं धोरण राबवण्यास सुरूवात केलीये. त्यामुळे जगभरातील आयटी क्षेत्रातील नोकरदारवर्गावर नोकर कपातीची टांगती तलवार कायम आहे.