Central Government: केंद्र सरकारने महिलांसाठी खास महिला सन्मान सेव्हिंग सर्टिफिकेट योजना राबवली आहे. ही योजना आता पुढच्या वर्षी म्हणजे २०२५ मध्ये बंद होऊ शकते. महिल सन्मान सेव्हिंग सर्टिफिकेट या योजनेत तुम्ही मार्च २०२५ पर्यंत गुंतवणूक करु शकतात.

महिला सन्मान सेव्हिंग सर्टिफिकेट या योजनेत महिलांना चांगला परतावा मिळतो. या योजनेत आतापर्यंत ३०,००० कोटी रुपयांची गुंतवणूक केली आहे.या योजनेत एफडीपेक्षाही जास्त व्याजदर मिळते. या योजनेत गुंतवणूकीवर कोणत्याही प्रकारची जोखिम नसते. (Mahila Sanman Saving Certificate Scheme Will Close)

महिला सन्मान सेव्हिंग सर्टिफिकेट (Mahila Sanman Saving Certificate) योजनेत वर्षाला ७.५ टक्के व्याजदर मिळते. हे व्याज तिमाही आधारावर दिले जाते. जर तुम्ही २ लाख रुपयांची गुंतवणूक केली तर तुम्हाला २,३२,०४४ रुपये मिळतील. या योजनेत फिक्स्ड रिटर्न मिळते. त्यामुळे कोणत्याही प्रकारचे नुकसान होत नाही.

महिला सन्मान सेव्हिंग सर्टिफिकेट योजनात १८ वर्ष किंवा त्यापेक्षा जास्त वयोगटातील महिला खाते उघडू शकतात. तुम्ही तुमच्या मुलीच्या नावानेदेखील खाते उघडू शकतात.कोणत्याही पोस्ट ऑफिसमध्ये किंवा बँकेत तुम्ही खाते उघडू शकतात. बँक ऑफ बडोदा, कॅनरा बँक, बँक ऑफ इंडिया, पंजाब नॅशनल बँक, यूनियन बँकेत तुम्ही या योजनेअंतर्गत खाते उघडू शकतात.

अटी व नियम

महिला सन्मान सेव्हिंग सर्टिफिकेट या योजनेत तुम्ही कमीत कमी १००० रुपये गुंतवू शकतात. तर जास्तीत जास्त २ लाख रुपयांची गुंतवणूक करु शकतात. २ वर्षासाठी तुम्ही ही रक्कम गुंतवू शकतात. या योजनेत आप्तकालीन परिस्थितीत जर पैसे काढायचे असतील तर एका वर्षानंतर ४० टक्के रक्कम काढू शकतात.