Summary:

• एलपीजी सिलिंडरच्या नियमात मोठा बदल झाला

• गॅस कनेक्शनवरील मोबाईल नंबर बदलण्यासाठी नवा नियम

• गॅस सिलिंडर फसवणूक रोखण्यासाठी नवा नियम जारी

• ग्राहकांना मोठा झटका बसला

एलपीजी गॅस सिलिंडर ग्राहकांसाठी महत्वाची बातमी समोर आली आहे. एलपीजी सिलिंडरच्या नियमामध्ये मोठा बदल करण्यात आला आहे. सरकारने एक नवीन नियम लागू केला आहे. गॅस कनेक्शनसोबत नोंदणी केलेले मोबाईल नंबर आता तात्काळ बदलता येणार नाहीत. पेट्रोलियम कंपन्यांनी सुरक्षितता सुनिश्चित करण्यासाठी आणि फसवणूक टाळण्यासाठी एक नवीन प्रणाली लागू केली आहे.

एलपीजी सिलिंडरच्या नव्या नियमानुसार, गॅस कनेक्शनसोबत नोंदणी केलेले मोबाईल नंबर लगेच बदलता येणार आहे. मोबाईल नंबर बदलण्यासाठी ९० दिवसांची प्रतीक्षा करावी लागणार आहे. यासाठी आता बायोमेट्रिक पडताळणी आणि केवायसी प्रक्रिया देखील अनिवार्य करण्यात आल्या आहेत.

गॅस कनेक्शनवरील मोबाईल नंबर बदलून होणाऱ्या फसव्या डिलिव्हरी आणि काळाबाजाराच्या तक्रारी वारंवार समोर येत आहेत. अनेक प्रकरणांमध्ये ग्राहकांच्या नकळत मोबाईल नंबर बदलले जात होते. या सर्व गोष्टी रोखण्यासाठी पेट्रोलियम कंपन्यांनी नियम अधिक कडक केले आहेत. गॅस कनेक्शनसोबत नोंदणी केलेला मोबाईल नंबर बदलण्यासाठी ९० दिवसांचा कालावधी लागणार असल्यामुळे सर्वसामान्यांना झटका बसला आहे.

पूर्वी ग्राहक गॅस एजन्सी किंवा पोर्टलद्वारे आपला मोबाईल नंबर तात्काळ अद्ययावत करू शकत होते. पण आता ही प्रक्रिया बंद करण्यात आली आहे. नवीन नंबर पूर्णपणे सक्रिय होण्यासाठी ९० दिवसांचा कालावधी लागणार आहे. मोबाईल नंबर बदलण्यासाठी आता बायोमेट्रिक पडताळणी आणि केवायसी अनिवार्य करण्यात आली आहे. यामुळे बदल करणारी व्यक्ती खरीच आहे याची खात्री केली जाणार आहे.

नवीन प्रणाली लागू झाल्यानंतर अनेक ग्राहकांना अडचणींचा सामना करावा लागू शकतो. विशेषतः ज्यांना आपला नंबर त्वरित बदलायचा आहे त्यांना आता जास्त वेळ थांबावे लागणार आहे. मोबाईल नंबर अद्ययावत करण्यास होणाऱ्या विलंबामुळे गॅस बुकिंग आणि डिलिव्हरी मेसेज मिळण्यात समस्या निर्माण होऊ शकतात. परिणामी हे काम करण्यास वेळ लागत असल्यामुळे ग्राहकांनी गॅस सिलिंडर मिळण्यास देखील विलंब लागू शकतो.