केंद्र सरकारने आतापर्यंत महिलांसाठी अनेक योजना राबवल्या आहेत. महिलांना आर्थिकदृष्ट्या सुरक्षित करण्याच्या उद्देशातून या योजना राबवण्यात आली आहे. केंद्र सरकारची अशीच एक योजना म्हणजे लखपती दीदी योजना. या योजनेअंतर्गत महिलांना स्वतः चा व्यवसाय सुरु करण्यासाठी बिनव्याजी कर्ज दिले जाते.

केंद्र सरकारच्या लखपती दीदी योजनेअंतर्गत महिलांना ५ लाख रुपयांचे कर्ज दिले जाते. या कर्जावर कोणत्याही प्रकारचे व्याज आकारले जात नाही. त्यामुळे महिलांना स्वतः चा व्यवसाय सुरु करण्यासाठी आर्थिक मदत केली जाते. (Lakpati Didi Scheme)

लखपती दीदी योजनेअंतर्गत महिलांना आर्थिकदृष्ट्या सक्षम तर केले जाते. त्याचसोबत बिझनेसचा विस्तार करण्यासाठी स्किल डेव्हलपमेंट ट्रेनिंगदेखील दिले जाते.

२०२३ मध्ये केंद्र सरकारने लखपती दीदी योजना सुरु केली होती. आतापर्यंत १ कोटी महिलांनी या योजनेचा लाभ घेतला आहे. या योजनेत महिलांना लोनचे पैसे त्याचसोबत ट्रेनिंगदेखील दिले जाते. या कर्जावर कोणतेही व्याज द्यावे लागत नाही. (Lakhpati Didi )

लखपती दीदी योजनेअंतर्गत १८ ते ५० वयोगटातील कोणतीही महिला अर्ज करु शकते. महिला ही देशातील कोणत्याही राज्याची सदस्य असावी. व्यवसाय सुरु करण्यासाठी महिलांनी अर्ज आणि आवश्यक कागदपत्रे जवळच्या स्वयं-सहायता गट कार्यालयात दिले पाहिजे. अर्ज करण्यासाठी आधार कार्ड, पॅन कार्ड, उत्पन्नाचा दाखला, बँक पासबुक, मोबाईल नंबर, पासपोर्ट साइज फोटो द्यावा लागेल.