महायुती सरकारची मुख्यमंत्री माझी लाडकी बहीण योजना सुरु केली होती. लाडकी बहीण योजनेत महिलांना दर महिन्याला आर्थिक मदत केली जाते. लाडकी बहीण योजनेत आता महिलांच्या अर्जांची पडताळणी सुरु आहे. लाडकी बहीण योजनेत अनेक अपात्र महिलांनी लाभ घेतल्याचे सनोर आले आहे. त्यामुळे महिला व बालविकास विभागाने अर्जांची पडताळणी करण्याचा निर्णय घेतला आहे.

लाडकी बहीण योजनेचा लाभ घेत असलेल्या महिलंच्या कुटुंबातील कोणीही आयकर भरत नसावे. तसेच त्यांच्याकडे चारचाकी वाहन नसावे, असे निकष होते. महिलांच्या अर्जांची पडताळणी करण्यासाठी परिवहन आणि आयकर विभागाची मदत घेण्यात येणार आहे. दरम्यान, मुंबईतील तब्बल २२ हजार महिलांचे अर्ज बाद केले आहेत.

लाडकी बहीण योजनेचा लाभ घेणाऱ्या महिलांच्या कुटुंबाचे उत्पन्न जास्त असेल तर त्यांना योजनेतून बाद केले जाणार आहे. बनावट लाभार्थ्यांनीही या योजनेचा लाभ घेतला असल्याच्या घटना समोर आल्या आहेत. त्यामुळे सरकारने कारवाई करण्यास सुरुवात केला आहे. (Ladki Bahin Yojana)

आता तर अंगणवाडी सेविका घरोघरी जाऊन महिलांकडे चारचाकी वाहन आहे की नाही याची चौकशी करणार आहेत. त्यामुळे अपात्र असूनही लाडकी बहीण योजनेचा लाभ घेतलेल्या महिलांना फटका बसणार आहे. इतर कोणत्याही योजनेचा लाभ घेत असाल तर तुम्हाला लाडकी बहीण योजनेचा लाभ मिळणार नाही. यासाठीही पडताळणी केली जाणार आहे. त्यामुळे फेब्रुवारी महिन्याअखेर पडताळणी होऊन अपात्र महिलांना योजनेचा लाभ मिळणार नाही.

लाभ सोडण्यासाठी काय करावे?

लाडकी बहीण योजनेचा लाभ सोडण्यासाठी तुम्हाला जिल्हा महिला व बालविकास अधिकारी कार्यालयात जाऊन अर्ज करावा लागेल. तर इतर शासकीय योजनेचा लाभ घेणाऱ्यांना कोणत्या योजनेचा लाभ घ्यायचा आहे हे सांगावे लागणार आहे.