महाराष्ट्र सरकारच्या लाडकी बहीण योजनेचा तिसरा हप्ता येत्या २९ सप्टेंबरला महिलांच्या खात्यात जमा होणार आहे. या योजनेअंतर्गत महिलांच्या अकाउंटला जुलै आणि ऑगस्ट महिन्याचे ३००० रुपये जमा झाले आहेत.
आता या महिन्याचे पैसे जमा होणार आहेत. आतापर्यंत अनेक महिलांच्या खात्यात पैसेच जमा झाले नाहीत, तर ज्या महिलांच्या अकाउंटला ३००० रुपये जमा झाले आहेत त्यांना १५०० रुपये कधी मिळणार?तसेच सप्टेंबर महिन्यात अर्ज करणाऱ्या महिलांना किती पैसे मिळणार? असे अनेक प्रश्न महिलांच्या मनात आहेत. (Ladki Bahin Yojana 3rd Installment)
मुख्यमंत्री लाडकी बहीण योजनेचा राज्यस्तरीय मेळावा १९ सप्टेंबरला पार पडणार आहे. याच दिवशी महिलांच्या खात्यात पैसे जमा होणार आहेत. यातील सप्टेंबर महिन्याचा हप्ता महिलांच्या अकाउंटला जमा करण्यास सुरुवात झाली आहे.
ज्या महिलांच्या अकाउंटला आतापर्यंत एकही रुपया जमा झाला नाही त्यांना ४५०० रुपये मिळणार आहेत. अनेक महिलांना काही कारणात्सव अर्ज भरता आला नाही. त्यांनी ऑगस्ट महिन्यात अर्ज केले होते. या महिलांना तीन महिन्याचे ४५०० रुपये एकत्र येणार आहे. (Ladki Bahin Yojana)
ज्या महिलांनी जुलै किंवा ऑगस्ट महिन्यात अर्ज केला आहे. त्याचसोबत त्यांना दोन महिन्याचे ३००० रुपये मिळाले आहेत. त्या महिलांना आता सप्टेंबर महिन्यात १५०० रुपये मिळणार आहे. हे पैसे २९ सप्टेंबरला महिलांच्या अकाउंटला जमा होणार आहेत.
ज्या महिलांनी सप्टेंबर महिन्यात अर्ज केले आहेत. त्यांना या योजनेचे पैसे मिळणार आहेत. या महिलांना फक्त सप्टेंबर महिन्याचा हप्ता मिळणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.