लाडकी बहीण योजनेत मे महिन्याचा हप्ता कधी येणार, असा प्रश्न महिलांना पडला आहे. मे महिन्याच्या हप्त्याची महिला आतुरतेने वाट पाहत आहेत. दरम्यान, मे महिन्याचा हप्ता पुढच्या आठवड्यात येऊ शकतात. त्याआधीच लाडक्या बहि‍णींच्या अर्जांची पुन्हा पडताळणी करण्यास सुरुवात केली आहे. दरम्यान, आता काही महिलांना मे महिन्याचा हप्ता मिळणार नाहीये.

या महिलांना मिळणार नाही मे महिन्याचे १५०० रुपये (These Women Will Not Get May Month Installment)

ज्या महिलांनी नियमाबाहेर जाऊन लाडकी बहीण योजनेचा लाभ घेतला आहे.त्यांचे अर्ज आता बाद केले जाणार आहेत. याचसोबत अनेकांनी फ्रॉ करुनही लाडकी बहीण योजनेचा हप्ता मिळवल्याचे समोर आले आहे. काही दिवसांपूर्वी लाडकी बहीण योजनेच्या नावाखाली मोठी फसवणूक झाली होती.

अनेक फ्रॉड खाती उघडून योजनेचा लाभ घेतल्याची घटना समोर आली होती. त्यामुळे आता या सर्व घटनांना आळा घालण्यासाठी पुन्हा अर्जांची पडताळणी केली जाणार आहे. यामधून फ्रॉड खात्यांमध्येही पैसे जमा केले जाणार नाहीत. त्यामुळे पुन्हा एकदा लाडक्या बहि‍णींवर टांगती तलवार असणार आहे.

या लाडक्या बहि‍णींच्या अर्जाची तपासणी होणार नाही (Ladki Bahin Yojana Verification)

लाडकी बहीण योजनेत निकषाबाहेर जाणाऱ्या महिलांचे अर्ज बाद केले जाणार आहेत. या योजनेत केशरी व पिवळे रेशनकार्डधारकांच्या अर्जांची पडताळणी केली जाणार नाही. अन्न व पुरवठा मंत्रालयाने कमी उत्पन्न असलेल्या नागरिकांना हे रेशनकार्ड दिले आहेत. त्यामुळे या अर्जांची पडताळणी होणार नाही.

लाडकी बहीण योजनेत पुढच्या आठवड्यात मे महिन्याचा हप्ता येऊ शकतो. मे महिन्याच्या शेवटच्या आठवड्यात पैसे येणार असल्याचे बोलले जात होते. आता महिना संपायला फक्त १० दिवस उरले आहेत. त्यामुळे लवकरच महिलांच्या खात्यात पैसे जमा केले जाणार आहेत.