लाडकी बहीण योजनेत महिलांना दर महिन्याला १५०० रुपये दिले जातात. लाडकी बहीण योजनेत ऑक्टोबरचा हप्ता देण्यात आला आहे. दरम्यान, आता महिला नोव्हेंबरच्या हप्त्याची वाट पाहत आहे. लवकरच नोव्हेंबरचे पैसेदेखील महिलांना दिले जातील. दरम्यान, याबाबत अधिकृत माहिती समोर आलेली नाही. परंतु आता या योजनेत काही महिलांना पैसे मिळणार नाहीयेत.

या महिलांना मिळणार नाहीत ₹१५०० (Ladki Bahin Yojana These Women will not get 1500 Rupees)

बहीण योजनेत अनेक महिलांना निकषाबाहेर जाऊन योजनेचा लाभ घेतला आहे. त्यामुळे राज्य सरकारने महिलांच्या अर्जांची पडताळणी केली आहे. यामध्ये पडताळणीत ज्या महिलांनी नियमांचे पालन न करता १५०० रुपयांचा लाभ घेतला आहे त्यांचे अर्ज बाद केले आहेत. त्यामुळे या महिलांना यापुढे १५०० रुपये मिळणार नाहीत.

राज्यातील जवळपास २६ लाख महिलांचे अर्ज बाद करण्याचे असल्याचे सांगितले होते. यामध्ये अनेक सरकारी कर्मचारी असलेल्या महिलांनीही लाभ घेतला आहे. तर अनेक महिलांच्या नावाखाली पुरुषांनी योजनेअंतर्गत पैसे लाटले आहेत. यांच्यावरही कारवाई करण्यात आली आहे. त्यामुळे ज्या महिलांचे अर्ज बाद केले आहेत त्यांना यापुढे योजनेअंतर्गत एकही रुपया मिळणार नाहीये. याचसोबत अनेक महिलांनी खोटे पत्तेदेखील दिले आहेत. त्यांचाही लाभ बंद करण्यात आला आहे.

राज्य सरकारने अंगणवाडी सेविकांद्वारे महिलांच्या अर्जांची पडताळणी केली होती. महिलांच्या घरोघरी जाऊन छाननी करण्यात आली. यामध्ये ज्या महिलांकडे चारचाकी वाहन आहे त्यांचाही लाभ बंद करण्यात आला आहे. त्यामुळे ज्या महिलांनी खोटे पत्ते दिले आहेत. तसेच एका कुटुंबातील दोनपेक्षा जास्त महिलांनी लाभ घेतला असेल तर त्यांचेही पैस बंद करण्यात आले आहेत.