लाडकी बहीण योजनेच्या नावाखाली अनेक घोटाळे झाले आहे. लाखो अपात्र लाभार्थ्यांनी योजनेचा लाभ घेतला आहे. यामुळे सरकारचे कोट्यवधी रुपयांचे नुकसान झाले आहे. दरम्यान, अनेक पुरुषांनीही या योजनेचा लाऊ घेतला आहे. यामुळे सरकारच्या तिजोरीवर ताण आला आहे. लाडकी बहीण योजनेत १२ हजार पुरुषांनी दर महिन्याला १५०० रुपयांचा लाभ घेतला असल्याचे समोर आले आहे.

बोगस पुरुषांनी घेतला लाडकी बहीण योजनेचा लाभ

लाडकी बहीण योजनेतून १२ हजार ४३१ पुरुष अपात्र आहेत. तर ७७ हजार ९८० महिला अपात्र ठरल्या आहेत. गेल्या वर्षभरापासून या महिला व पुरुष लाडकी बहीण योजनेचा लाभ घेत होते. अशी माहिती अमरावतीचे आरटीआय कार्यकर्ते अजय बोस यांना मिळालेली आहे. दरम्यान, आता या अपात्र लाभार्थ्यांना यापुढे योजनेचा लाभ मिळणार नाहीये.

एकूण ९० हजार ४११ लाभार्थी अपात्र

महिला व पुरुष असे दोघेही मिळून ९० हजार ४११ लाभार्थी अपात्र ठरले आहे. हे अपात्र स्त्री-पुरुष लाभार्थी गेल्या वर्षभरापासून लाडकी बहीण योजनेचा लाभ घेत होते. या अपात्र लाभार्थ्यांमुळे महाराष्ट्र सरकारला 162 कोटी रुपयाचा चुना लागला आहे. या लाभार्थ्यांकडून हे पैसे वसूल करावे व त्यांच्यावर फौजदारी कारवाई करावी अशी मागणी आरटीआय कार्यकर्ते अजय बोस यांनी केलेली आहे..

लाडकी बहीण योजनेच्या नावाखाली अनेक अपात्र पुरुषांनी आणि महिलांनी योजनेचा लाभ घेतला आहे. याआधीच लाडकी बहीण योजनेचा निधी उपलब्ध करताना सरकारच्या तिजोरीवर ताण पडत आहे. त्यात लाखो अपात्र लाभार्थ्यांनी योजनेचा लाभ घेतला आहे. त्यामुळे तर सरकारचे अजूनच नुकसान झाले आहे. त्यामुळे आता सरकार या अपात्र लाभार्थ्यांकडून वसूली करणार का असा प्रश्न सध्या विचारला जात आहे.