लाडक्या बहि‍णींसाठी महत्त्वाची बातमी आहे. जून महिना संपत आला तरीही अद्याप महिलांच्या खात्यात १५०० रुपये जमा झाले नाहीत. त्यामुळे महिलांच्या मनात अनेक प्रश्न निर्माण झाले आहेत. अजूनही पैसे जमा न झाल्याने आता जून आणि जुलैचा हप्ता एकत्र येणार असल्याच्या चर्चा सुरु झाल्या आहेत. मात्र, याबाबत कोणतीही अधिकृत माहिती समोर आलेली नाही.

लाडकींना जून-जुलैचा हप्ता एकत्र मिळणार? (Ladki Bahin Yojana June-July Installment Come Together)

लाडकी बहीण योजनेत जून आणि जुलै महिन्याचा हप्ता एकत्र येऊ शकते. यामागचे कारण असे की महिना संपायला अवघे ६-७ दिवस उरले आहेत अजूनही याबाबत घोषणा केलेली नाही. याआधीही दोन महिन्याचे हप्ते एकाच महिन्याच देण्यात आले आहेत. त्यामुळे जून आणि जुलैचा हप्ता एकत्र येणार का असा प्रश्न विचारला जात आहे. मात्र, अद्याप कोणतीही घोषणा झालेली नाही.

महिला व बालविकास मंत्री आदिती तटकरे (Aditi Tatkare) स्वतः घोषणा करुन लाडकी बहीण योजनेच्या हप्त्याची माहिती देतात. त्यानंतर हप्त्याचे पैसे महिलांच्या खात्यात जमा केले जातात. मात्र, जूनच्या १५०० रुपयांबाबत कोणतीही माहिती अजूनपर्यंत दिलेली नाही.

मे महिन्याचा हप्तादेखील लांबणीवर गेला होता. हे पैसे जून महिन्याच्या पहिल्या आठवड्यात दिले होते. त्यानंतर जून महिन्याचा हप्तादेखील जुलै महिन्यात दिला जाण्याची शक्यता आहे. त्यामुळे जून आणि जुलैचा हप्ता एकत्र येणार का असा प्रश्न विचारला जात आहे.जर असं झालं तर जुलै महिन्यात महिलांच्या खात्यात ३००० रुपये जमा होणार आहेत.