Maharashtra Ladki Bahin Yojana June installment latest update : जून महिना संपायला आता अवघे ७ ते ८ दिवस उरले आहेत. त्यामुळे राज्यभरातील 'लाडकी बहीण' योजनेच्या लाभार्थी महिलांमध्ये एकाच गोष्टीची चर्चा सुरू झाली आहे, ती म्हणजे जून महिन्याचा ₹१५०० चा हप्ता कधी जमा होणार? पण अद्याप पात्र महिलांच्या खात्यात जून महिन्याचा ₹१५०० चा हप्ता जमा झालेला नाही. अथवा त्यावर कोणतीही अपडेट आलेली नाही. जून महिन्याचा हप्ता नेमका कधी येणार? असा प्रश्न उपस्थित केला जात आहे.

बँक खात्याकडे लागल्या नजरा

१६ जूनपासून राज्यातील लाडक्या बहि‍णींच्या खात्यात मे महिन्याचा १५०० रूपयांचा हप्ता जमा झाला. पण आता जून महिन्याचा शेवटचा आठवडा सुरू झाला आहे, राज्यातील कोट्यवधी महिलांचे लक्ष आपल्या बँक खात्याकडे आणि मोबाईलवर येणाऱ्या मेसेजकडे लागले आहे. ग्रामीण भागापासून ते शहरांपर्यंत सध्या महिलांमध्ये 'हप्ता कधी पडणार?' या एकाच विषयाची जोरदार चर्चा सुरू आहे.

हप्ता कधी जमा होणार?

राज्य शासनाकडून डीबीटी (DBT - Direct Benefit Transfer) प्रणालीद्वारे थेट महिलांच्या खात्यात पैसे पाठवण्यात येतील. सूत्रांनी दिलेल्या माहितीनुसार, वटपौर्णिमेला महिलांच्या खात्यात जून महिन्याचा हप्ता येऊ शकतो असे काही जण सांगत आहे. २९ जून रोजी वटपौर्णिमा आहे. राज्यात आजपासून पावसाळी अधिवेशन सुरू होणार आहे. या अधिवेशनादरम्यान लाडकी बहीण योजनेवर चर्चा होण्याची शक्यता आहे.

हे काम कराच, अन्यथा हप्ता रखडेल

प्रशासकीय वर्तुळातून मिळालेल्या प्राथमिक माहितीनुसार, जून महिन्याचा हप्ता रखडणार नसून, महिना अखेरीस म्हणजेच २८ ते ३० जून दरम्यान किंवा जुलैच्या पहिल्या आठवड्यात महिलांच्या खात्यात ₹१५०० ची रक्कम वर्ग केली जाऊ शकते. ज्या महिलांचे बँक खाते आधार लिंक आणि अ‍ॅक्टिव्ह आहे, त्यांना सर्वात आधी हा लाभ मिळेल. त्यामुळे ज्या लाभार्थी महिलांनी अद्याप आपले बँक खाते आधारशी लिंक केले नसेल, त्यांनी तातडीने बँकेत जाऊन 'केवायसी' (KYC) प्रक्रिया पूर्ण करून घ्यावी.