Ladki Bahin Yojana Installment Date : लाडकी बहीण योजनेच्या हप्त्याची वाट पाहणाऱ्या महिलांसाठी महत्त्वाची बातमी अपडेट समोर आली आहे. राज्यातील पात्र लाभार्थी महिलांसाठी सरकारकडून ३१९ कोटी रूपयांचा निधी वर्ग केला आहे. मिळालेल्या माहितीनुसा, २ दिवसांत लाडक्या बहि‍णींच्या खात्यावर जुलै महिन्याचा हप्ता जमा होण्याची प्रक्रिया सुरू होईल. टप्प्याटप्प्याने लाभार्थी महिलांच्या खात्यात हप्ता जमा होणार आहे. पण राज्यातील तब्ब्ल ८० लाख महिलांना या महिन्याचा हप्ता मिळणार नाही. मागील दोन महिन्यापूर्वी झालेल्या ईकेवायसी प्रक्रियेनंतर ८० लाखांच्या आसपास महिलांचा लाभ बंद झाला आहे.
जुलै आणि ऑगस्ट महिन्याचा हप्ता कधी जमा होणार? याकडे राज्यातल्या लाखो महिलांचं लक्ष लागलं आहे. दरम्यान ई-केवायसी प्रोसेसनंतर अपात्र ठरलेल्या महिलांचा योजनेतला लाभ बंद करण्यात आला आहे. मिळालेल्या माहितीनुसार, सुमारे १ कोटी ६६ लाख पात्र महिलांच्या खात्यात जुलै आणि ऑगस्ट महिन्याचे मिळून ३००० रुपये जमा होण्याची शक्यता आहे. मात्र पैसे नेमक्या कोणत्या दिवशी जमा होतील, याबद्दल अजून कोणतीही अधिकृत घोषणा झालेली नाही.
३१९ कोटी ५३ लाखांचा निधी वर्ग जुलै महिन्याचा हप्ता वेळेत देण्यासाठी सामाजिक न्याय विभागाअंतर्गत येणाऱ्या अनुसूचित जाती घटकातल्या पात्र महिलांसाठी राज्य सरकारने ३१९ कोटी ५३ लाख रुपये महिला व बालविकास विभागाकडे वर्ग केले आहेत. त्यामुळे लवकरच हप्ता येण्याची प्रोसेस सुरू असल्याचं स्पष्ट होत आहे.
जुलै महिन्याचा हप्ता अद्याप अनेक महिलांच्या खात्यात जमा झालेला नाही. आतापर्यंत अर्धा ऑगस्ट महिनाही उलटून गेला आहे. तरी महिलांच्या खात्यात हप्ता जमा झालेला नाही. त्यामुळे आता दोन्ही महिन्यांचे मिळून ३००० रुपये एकाच वेळी जमा केले जाण्याची शक्यता आहे. पण ही तारीख अधिकृतपणे जाहीर केलेली नाही.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.