लाडकी बहीण योजनेच्या लाभार्थ्यांच्या खात्यात फेब्रुवारीचा हप्ता जमा केला आहे. मार्च महिन्याच्या शेवटच्या आठवड्यात पैसे जमा झाले आहेत. महिलांच्या खात्यात पैसे जमा झाले आहेत मात्र आता मार्चचा हप्ता कधी येणार असा प्रश्न विचारला जात आहे. याचसोबत लाखो महिलांना योजनेचा लाभ मिळालेला नाही. त्यांना फेब्रुवारीचे १५०० रुपये मिळाले नाहीत.

८६ लाख महिलांना हप्ता नाही (Ladki Bahin Yojana 86 Lakh Women Not Recieve February Installment)

लाडकी बहीण योजनेतून आतापर्यंत ८६ लाख महिलांना वगळण्यात आले आहे. लाडकी बहीण योजनेची सुरुवात २०२४ मध्ये झाली होती. तेव्हा सुरुवातीला २.४ कोटी महिला लाभार्थी होती. आता ही संख्या कमी झाली आहे. १.५ कोटींपर्यंत लाभार्थ्यांची संख्या आहे. तब्बल ८६ लाख महिलांचे अर्ज बाद करण्यात आले आहे. या महिलांना हप्ता मिळालेला नाही. या महिलांना जानेवारीचा हप्तादेखील मिळाला नव्हता.

हप्ता न मिळण्याचे कारण काय? (Ladki Bahin Yojana Installment not Recieved Reason)

लाडकी बहीण योजनेचा हप्ता न मिळण्याची अनेक कारणे आहेत. निकषांमध्ये न बसणाऱ्या महिलांना याआधीच योजनेतून वगळले आहे. फक्त २१ ते ६५ वयोगटातील महिला योजनेचा लाभ घेऊ शकतात. महिलांच्या कुटुंबाचे उत्पन्न २.५ लाखांपेक्षा जास्त नसावे. जर महिलांकडे चारचाकी वाहन असेल तरी त्यांना लाभ मिळणार नाही. सरकारी कर्मचारी असलेल्या महिलांना योजनेचा लाभ मिळणार आहे.

याचसोबत सर्व लाभार्थी महिलांना केवायसी करण्यास सांगितले आहे. केवायसी न केलेल्या महिलांची संख्या जास्त आहे. त्यांचाही लाभ बंद केले आहे. याचसोबत केवायसीत चूका झालेल्या महिलांचा लाभ तात्पुरता थांबवण्यात आला आहे. त्यांचा लाभ केवायसीतील दुरुस्ती केल्यानंतर पुन्हा सुरु केला जाईल. तोपर्यंत महिलांना पैसे मिळणार नाही.