लाडकी बहीण योजना सध्या वादाच्या भोवऱ्यात सापडली आहे. लाडकी बहीण योजनेतून अनेक लाभार्थ्यांना डिसेंबरचा हप्ता जमा झालेला नाही.लाभार्थ्यांनी केवायसी करुनही त्यांच्या खात्यात पैसे जमा झाले नाहीत. यावर आता राज्य सरकारने यावर तोडगा काढला आहे.महिलांची प्रत्यक्ष पडताळणी करण्याच्या सूचना दिल्या आहे. त्यानंतर आता पुन्हा आदिती तटकरेंनी मोठी घोषणा केली आहे.

आदिती तटकरेंनी केली घोषणा

लाडकी बहीण योजनेत लाभार्थ्यांना केवायसीसंदर्भात अनेक अडचणींचा सामना करावा लागत आहेत. तसेच अनेक महिलांनी केवायसी केलेले नाही. त्यामुळे महिलांच्या मनात अनेक प्रश्न निर्माण झालेत. या सुविधेचं निवारण करण्यासाठी हेल्पलाइन नंबर जारी करण्यात आला आहे. आदिती तटकरेंनी याबाबत माहिती दिली आहे.

आदिती तटकरेंची पोस्ट (Aditi Tatkare Post on Ladki Bahin Yojana)

आदिती तटकरेंनी एक्स या प्लॅटफॉर्मवर पोस्ट करत हेल्पलाइन नंबर जारी केला आहे. मुख्यमंत्री माझी लाडकी बहीण योजनेत लाभार्थ्यांच्या सुविधेसाठी विशेष हेल्पलाइन नंबर. मुख्यमंत्री माझी लाडकी बहीण योजनेची e-KYC प्रक्रिया करत असताना काही कारणास्तव चुकीचा पर्याय निवडल्याने लाभ स्थगित झाल्याच्या काही तक्रारी विभागास प्राप्त झाल्या आहेत. या व योजनेशी संबंधित इतरही तक्रारींचे, शंकांचे फोन कॉलवर निवारण करण्यासाठी १८१ या महिला हेल्पलाइन नंबरवर मदत उपलब्ध करून देण्यात आली आहे. याबाबत संबंधित कॉल ऑपरेटर्सना योग्य ते प्रशिक्षणही देण्यात आले आहे. योजनेशी संबंधित सर्व तक्रारींचे व शंकांचे निरसन १८१ या हेल्पलाईन नंबरवरून करण्यात येणार आहे. तरी, सर्व लाडक्या बहिणींनी आवश्यकता भासल्यास या सुविधेचा लाभ घ्यावा ही नम्र विनंती, असं त्यांनी सांगितलं आहे.

लाडकी बहीण योजनेत आता महिलांना जर काही अडचणी आल्या तर त्यांनी हेल्पलाइन नंबरवर फोन करायचा आहे. १८१ या हेल्पलाइन नंबरवर फोन करायचा आहे. या फोनवरुन त्यांना तक्रारीचे निवारण मिळणार आहे.