Ladki Bahin July August installment Date Update : राज्यातील पात्र लाभार्थी महिल्यांच्या खात्यावर एकाचवेळी ३ हजार रूपये जमा होणार असल्याची माहिती सरकारी कार्यालयातील वरिष्ठ अधिकाऱ्याने दिली आहे. राज्यातील लाडक्या बहि‍णींना जुलै आणि ऑगस्ट या दोन महिन्यांचा हप्ता एकत्र हप्ता दिला जाऊ शकतो, असे महिला व बालविकास विभागातील एका वरिष्ठ अधिकाऱ्याने सकाळसोबत बोलताना सांगितले.

२८ ऑगस्ट रोजी रक्षाबंधन आहे, त्या पार्श्वभूमिवर सरकारकडून राज्यातील महिलांना २ हप्ते एकत्र देण्यावर विचार झाल्याची माहिती मिळाली आहे. ऑगस्ट महिन्याचे २ आठवडे झाले आहेत. पण अद्याप जुलै महिन्याचाच हप्ता खात्यावर जमा झालेला नाही. त्यामुळे ऑगस्ट आणि जुलै या दोन महिन्याचे हप्ते एकत्र येणार का? अशी चर्चाही लाडक्या बहि‍णींमध्ये सुरू होती. पण आता यावर सरकारी अधिकाऱ्याने अपडेट दिली आहे. पण अद्याप सरकारकडून अधिकृत याबाबत कोणतीही माहिती देण्यात आलेली नाही.

विधानसभा निवडणुकीच्या तोंडावर लाडकी बहीण योजना सुरू करण्यात आली होती. पहिल्या टप्प्यात कागदपत्रांमध्ये शिथिलता देण्यात आली, राज्यभरात २ कोटींपेक्षा जास्त महिलांना लाभ मिळत होता. यामध्ये कुटुंबाचे अडीच लाख रुपयांपेक्षा जास्त उत्पन्न असलेल्या आणि एकाच कुटुंबातील सासू, दोन सूना, मुलींनीही अर्ज केले होते. काही महिने नियमित लाभ मिळू लागला. पण फेब्रुवारी २०२५ पासून योजनेच्या निकषांनुसार सर्वच लाभार्थींची पडताळणी सुरू झाली आणि अशा महिलांचा लाभ बंद करण्याचा निर्णय झाला. त्यानुसार राज्यातील ८० लाखांपेक्षा जास्त महिलांचा लाभ बंद झाला आहे.

१५०० येणार की ३०० जमा होणार? संभ्रम कायम

राज्यातील पात्र एक कोटी ६६ लाख महिलांच्या खात्यात लाडकी बहीण योजनेचा लाभ जमा होते. जुलै महिन्याचा हप्ता अद्याप जमा झालेला नाही. प्रत्येक महिन्याच्या १५ तारखेपर्यंत महिलांच्या खात्यात लाभ वितरीत केला जातो. आता २० ऑगस्टपर्यंत खात्यात पैसे येण्याची शक्यता आहे. पण एका महिन्याचा लाभ खात्यात जमा होणार की २ महिन्याचे ३ हजार रूपये एकत्र खात्यात येणार, याकडे लाडक्या बहि‍णींचे लक्ष लागले आहे.