मुलांचे स्वप्न पूर्ण झाल्यावर सर्वात जास्त अभिमान हा आईवडिलांना वाटतो. आईवडील नेहमीच मुलांच्या यशासाठी प्रार्थना करत असतात. मुलांची स्वप्न पूर्ण झाल्यावर एक वेगळाच आनंद त्यांच्या चेहऱ्यावर असतो. असंच आयपीएस सिंधू शर्मा यांच्या आयुष्यातही झालं. त्यांनी आपले आणि कुटुंबाचे स्वप्न पूर्ण केले. त्यांनी खूप जिद्दीने स्पर्धा परीक्षा पास केली.

सिंधू शर्मा या तेलंगणाच्या आहेत. या सभेत त्यांच्या वडिलांचा एक व्हिडिओ समोर आहे. यामध्ये त्यांच्या वडिलांनी त्यांना सॅल्यूट केले होते. त्यात हा भावनिक व्हिडिओ सध्या सोशल मीडियावर प्रचंड व्हायरल होत आहे. पोलिस उपायुक्त ए. आर.उमामहेश्वर सरमा हे तेलंगणाच्या टीआरएस सभेत ड्युटीवर होते. त्यांची लेक सिंधू सरमा यादेखील तिथे उपस्थित होता. कार्यक्रमातील महिलांची जबाबदारी त्यांच्यावर होती. लेकीला वर्दीत पाहून वडिलांना खूप आनंद झाला.

आयपीएस सिंधू यांनी भारतीय पोलिस सेवेत अधिकारी आहेत. त्यांनी २०१४ मध्ये यूपीएससी परीक्षा उत्तीर्ण केली. त्यांचे वडीलदेखील पोलिस दलात कार्यरत आहेत. लेकीला वरिष्ठ अधिकारी झाल्यावर वडिलांची मान गर्वाने उंचावली.

उममहेश्वर हे १९८५ पासून पोलिस खात्यात उपनिरिक्षक म्हणून कारकि‍र्दीला सुरुवात केली. त्यांची मुलगी २०१४ मध्ये आयपीएस झाली. त्यांच्या ४ वर्षाच्या कारकि‍र्दीत पहिल्यांदाच एकत्र काम करण्याची ही पहिलीच वेळ होती. लेकीला सॅल्यूट करण्याची आठवण ते आयुष्यभर जपणार आहेत, असंही त्यांनी सांगितलं.