बँकेत काम करण्याची इच्छा असणाऱ्या तरुणांसाठी नोकरीची सुवर्णसंधी आहे. इंडियन बँकेत विविध पदांसाठी भरती सुरु आहे. इंडियन बँकेत लोकल ऑफिसर पदासाठी भरती केली जाणार आहे. एकूण ३०० रिक्त जागांसाठी ही भरती केली जाणार आहे. या नोकरीबाबत सर्व माहिती इंडियन बँकेच्या अधिकृत वेबसाइटवर देण्यात आली आहे.

इंडियन बँकेच्या अधिकृत वेबसाइटवर www.indianbank.in १३ ऑगस्टपासून अर्जप्रक्रिया सुरु झाली आहे. या नोकरीसाठी इच्छुक उमेदवारांनी लवकरात लवकर अर्ज करावेत. २ सप्टेंबर ही अर्ज करण्याची शेवटची तारीख आहे. त्यामुळे त्याआधी इच्छुक उमेदवारांनी अर्ज करावेत.

इंडियन बँकेची ही भरती ५ राज्यांसाठी केली करण्यात येणार आहे. यामध्ये महाराष्ट्रातही विविध पदांसाठी भरती केली जाणार आहे. सामान्य प्रवर्गात १२७ रिक्त जागा आहे. ईडब्लूएस प्रवर्गातील उमेदवारांसाठी ७९ जागा रिक्त आहेत.

लोकल बँक ऑफिसर या पदासाठी अर्ज करणाऱ्या उमेदवाराने मान्यताप्राप्त विद्यापीठातून ग्रॅज्युएशन पूर्ण केलेला असावे. ऑनलाइन अर्ज करताना उमेदवारांना डिग्री सर्टिफिकेट किंवा मार्कशीट असणे गरजेचे आहे. याबाबत सर्व माहिती बँरेने जाहीर केलेल्या अधिसूचनेत देण्यात आली आहे.

२० ते ३० वयोगटातील उमेदवार या नोकरीसाठी अर्ज करु शकतात. राखीव प्रवर्गातील उमेदवारांना या वयोमर्यादेतून सूट देण्यात आली आहे. या नोकरीसाठी अर्ज करणाऱ्या उमेदवारांना १००० रुपये अर्ज शुल्क भरावे लागणार आहे. या नोकरीसाठी उमेदवारांची निवड ही लेखी परीक्षा किंवा मुलाखतीद्वारे केली जाणार आहे.