प्रत्येक करदात्याला आयटीआर फाइल करावा लागतो. जर तुम्ही आयटीआर फाइल करायला विसरला असाल किंवा कोणतीही चुकीची माहिती दिली असेल तर चूक सुधारण्याची तुमच्याकडे शेवटची संधी आहे. तुमच्याकडे ३१ मार्चपर्यंतची संधी आहे. तुम्हाला अपडेटेड आयटीआर फाइल करावा लागेल.

जर तुम्ही आयटीआर फाइल केला नसेल किंवा चुकीची माहिती दिली असेल तर ३१ मार्चपर्यंत अपडेटेड आयटीआर फाइल करु शकतात. जर तुम्ही अपडेटेड आयटीआरदेखील फाइल केला नाही तर तुम्हाला दंड भरावा लागू शकतो याचसोबत अनेक अडचणी येतील.

अपडेटेड आयटीआर म्हणजे काय? (What is ITR U)

अपडेटेड आयटीआर हा त्या करदात्यांसाठी आहे ज्यांनी आयटीआर फाइल केलेला नाही. संबंधित आर्थिक वर्ष संपल्यानंतर तुम्ही ४८ महिन्यात कधीही अपडेटेड आयटीआर फाइल करु शकतात. जर तुम्ही २०२१-२२ मध्ये आयटीआर भरला नसेल तर ३१ मार्च २०२६ पर्यंत दाखल करु शकतात. या करदात्यांना आयटीआर फाइल करण्याची संधी मिळणार आहे.

अपडेटेड आयटीआर कोण फाइल करु शकतात? (Who Can File Updated ITR)

अपडेटेड आयटीआर दाखल करण्याची तरतूद कलम 139(8A) मध्ये आहे यामुळे तु्म्हाला आयटीआरमधील चूका सुधारता येणार आहे. याचसोबत उत्पन्नाची संपूर्ण माहिती देण्याची शेवटची संधी मिळणार आहे. याचसोबत तुम्हाला माहितीदेखील अपडेट करता येणार आहे. तुमच्याकडे शेवटचे दोन दिवस उरले आहेत त्यामुळे त्या कालावधीत तुम्ही अपडेटेड आयटीआर फाइल करा.