आयटीआर भरण्याची शेवटची तारीख ३१ जुलै आहे. ३१ जुलैआधी आयटीआर तुम्हाला आयटीआर भरावा लागणार आहे. नवीन ई-पे कर सेवा फायलिंग साइटमुळे कर भरणे खूप सोपे झाले आहे. यामुळे CRN, पेमेंट, पेमेंट हिस्ट्री ट्रॅकिंग यासांरख्या सेवा करदात्यांना मिळतात. करदाते त्यांच्या पेमेंटची सर्व माहिती एका क्लिकवर मिळवू शकतात.

यामुळे करदात्यांना पेमेंटसाठी नेट बँकिंग, डेबिट कार्ड, बँक काउंटवर पेमेंट यांसारखे अनेक पर्याय दिले जातात. आयकर विभागाने ई- पे कर सेवेसाठी काही बँकाना परवानगी दिली आहे. याच बँकाची यादी आम्ही तुम्हाला सांगणार आहोत. या बँकेद्वारे तुम्ही पेमेंट करु शकतात.

बँकाची यादी,अॅक्सिस बँक, बंधन बँक, बँक ऑफ बडोदा, बँक ऑफ महाराष्ट्र, बँक ऑफ इंडिया, कॅनरा बँक, सेंट्रल बँक ऑफ इंडिया ,सिटी यूनियन बँक, डीसीबी बँक,फेडरल बँक, एचडीएफसी बँक, आयसीआयसीआय बँक, इंडियन बँक, इंडियन ओव्हरसीज बँक, इंडसइंड बँक,जम्मू काश्मीर बँक, कोटक महिंद्रा बँक, कर्नाटक बँक, पंजाब आणि सिंध बँक, पंजाब नॅशनल बँक, आरबीएल बँक, युको बँक, यूनियन बँक ऑफ इंडिया,धनलक्ष्मी बँक या बँकाचा या यादीत समावेश आहे.

ई-फायलिंग पोर्टलवर कर भरण्यासाठी तुम्हाला चलन (CRN)तयार करणे अनिवार्य आहे. प्रत्येक चलनासाठी एक सीआरएन नंबर असतो. सीआरएन नंबर तयार झाल्यानंतर तुम्ही वेगवेगळ्या पद्धतीने पेमेंट करु शकतात. तुम्ही नेट बँकिंग, डेबिट कार्ड, बँक अकाउंट पेमेंट, RTGS/NEFT,पेमेंट गेटवे,UPI पेमेंटद्वारे तुम्ही पेमेंट करु शकतात.